1 E kapije taro foro Jerihon sesa zurale phangle baše Izraelcura. Khoni naštine te džal andre niti te ikljol.

2 O GOSPOD vaćarda e Isusese e Navinese: "Akh, dav tut ane vasta o Jerihon lese carosa thaj lese ratnikurencar. 3 Nak jekh drom trujal o foro sa će vojskasa. Gija ćer šov đive. 4 Efta sveštenikura nek inđaren anglo Kovčego efta trube tare bakrane šinga. Eftato đive naćhen trujal o foro efta droma, a e sveštenikura nek phurden ane trube. 5 Kana von ka phurden ane trube, sa e vojnikura, čim šunen dugačko zvuko e trubako, nek den vika andare sa o glaso. Tegani ka peren e duvara e forose, a sa i vojska nek čalavol pravo ano foro."

6 Tegani o Isus Navin akharda e sveštenikuren thaj phenda lenđe: "Vazden o Kovčego taro savez e GOSPODESO thaj angle leste nek efta sveštenikura inđaren efta trube tare bakrane šinga."

7 A e narodose phenda: "Džan anglal! Naćhen trujal o foro. Thaj nek e vojnikura save si naoružime džan anglo Kovčego e GOSPODESO."