Gênesis 5

Kaaynä Aadam

1 A perrä yen kaaynä Aadam ikki. Wääna Jooŋ näŋŋee kä mänbaan ye, naŋŋe kä biilkä yeeke ike. 2 Naŋŋe oon ke iiŋ aŋ ŋüülkene, aŋ wääna naŋŋeeda kä ye, äkkene ogo mänbaan.

3 Aŋ wääna Aadam cääynee yuungu kä 130 ye, gittä minneni äälene kä beel bata ike, aŋ äkkene ogo Ceet. 4 Aŋ wääna Ceet giidene daa me ye, Aadam cääynä yuungu kä 800, aŋ gittä merkä oogen ke tïïrïn yakkalaŋ. 5 Aŋ Aadam yuunge muure yaaka cääynee kä ŋommañ wic ye, a 930 aŋ tüwnü.

6 Aŋ wääna Ceet cääynee yuungu kä 105 ye, gittä Ïnooc. 7 Aŋ wääna Ïnooc giidene daa me ye, Ceet cääynä yuungu kä 807, aŋ gittä merkä oogen ke tïïrïn yakkalaŋ. 8 Aŋ Ceet yuunge muure yaaka cääynee kä ŋommañ wic ye, a 912 aŋ tüwnü.

9 Aŋ wääna Ïnooc cääynee yuungu kä 90 ye, gittä Kinaan. 10 Aŋ wääna Kinaan giidene daa me ye, Ïnooc cääynä yuungu kä 815, aŋ gittä merkä oogen ke tïïrïn yakkalaŋ. 11 Aŋ Ïnooc yuunge muure yaaka cääynee kä ŋommañ wic ye, a 905 aŋ tüwnü.

12 Aŋ wääna Kinaan cääynee yuungu kä 70 ye, gittä Maalla. 13 Aŋ wääna Maalla giidene daa me ye, Kinaan cääynä yuungu kä 840, aŋ gittä merkä oogen ke tïïrïn yakkalaŋ. 14 Aŋ Kinaan yuunge muure yaaka cääynee kä ŋommañ wic ye, a 910 aŋ tüwnü.

15 Aŋ wääna Maalla cääynee yuungu kä 65 ye, gittä Yaarit. 16 Aŋ wääna Yaarit giidene daa me ye, Maalla cääynä yuungu kä 830, aŋ gittä merkä oogen ke tïïrïn yakkalaŋ. 17 Aŋ Maalla yuunge muure yaaka cääynee kä ŋommañ wic ye, a 895 aŋ tüwnü.

18 Aŋ wääna Yaarit cääynee yuungu kä 162 ye, gittä Ïdrïïc. 19 Aŋ wääna Ïdrïïc giidene daa me ye, Yaarit cääynä yuungu kä 800, aŋ gittä merkä oogen ke tïïrïn yakkalaŋ. 20 Aŋ Yaarit yuunge muure yaaka cääynee kä ŋommañ wic ye, a 962 aŋ tüwnü.

21 Aŋ wääna Ïdrïïc cääynee yuungu kä 65 ye, gittä minneni oone battä me ogo Matüceela. 22 Aŋ wääna Matüceela giidene daa me ye, Ïdrïïc baaddin päy Jooŋ yuungu 300, aŋ gittä merkä oogen ke tïïrïn yakkalaŋ. 23 Aŋ Ïdrïïc yuunge muure yaaka cääynee kä ŋommañ wic ye, a 365. 24 Aŋ Ïdrïïc baaddin päy Jooŋ, aŋ wïïccä ïñï kä yaana koowene daa Jooŋ ye.

25 Aŋ wääna Matüceela cääynee yuungu kä 187 ye, gittä Lamak. 26 Aŋ wääna Lamak giidene daa me ye, Matüceela cääynä yuungu kä 782, aŋ gittä merkä oogen ke tïïrïn yakkalaŋ. 27 Aŋ Matüceela yuunge muure yaaka cääynee kä ŋommañ wic ye, a 969 aŋ tüwnü.

28 Aŋ wääna Lamak cääynee yuungu kä 182 ye, gittä minneni oone. 29 Aŋ äkkene ogo Noo.*5.29 Noo ogo yïïktäŋ kä lemmä mä Iburu. Aŋ ike jaajjin ogo, "Yaanni ïkïïn bi ïñïn yïïktäŋ kä bääŋ yen ñuugulani yek ïnko, ŋommañ yaana tuumi Pïṭo yaanni ye ti." 30 Aŋ Lamak wääna Noo giidene daa me ye, Lamak cääynä yuungu kä 595, aŋ gittä merkä oogen ke tïïrïn yakkalaŋ. 31 Aŋ Lamak yuunge muure yaaka cääynee kä ŋommañ wic ye, a 777 aŋ tüwnü.

32 Aŋ wääna Noo yuunge aŋŋene 500 ye, gittä Caam ke Haam ke Yaapic.