ଏଜ୍ରାନ୍ ନିୟମ କାର୍ତାନାଦ୍
1 ମେଣ୍ଡେ, ସାରେ ନାରୁଡ଼୍ ଅଣ୍ଡୟ୍ ମାନ୍ତେ ଏର୍ଗୁଇନ୍ଦେ ଏରସ୍ତାଗ୍ ଅଣ୍ଡୟତାଗ୍ ଆତ୍ତଡ଼୍; ମେଣ୍ଡେ, ସଦାପ୍ରବୁ ଇସ୍ରାଏଲତିଙ୍କ୍ ମୋଶାଙ୍କ୍ ବେନ୍ ନିୟମ ବଇ ଆଦେଶ୍ ମାଡ଼ି ମାତ୍ତଣ୍ଡ୍, ଆଦ୍ ତାନ୍ ମାଇଦିଙ୍କ୍ ଅଡ଼୍ ଏଜ୍ରା କଲେଜ୍ ମେସ୍ତେରୀଡ଼୍କ୍ କେତ୍ତଣ୍ଡ୍। 2 ଆଗେତ୍ ସାରେ ନେଲ୍ଞ୍ଜିନ୍ ପ୍ରଥମ ଦିନ୍ତେ, ଏଜ୍ରା ଯାଜକ ମାନେୟି ନୁ ନାଟାଡ଼୍ ବେନ୍ ନାରୁଡ଼୍ କେଞ୍ଜି ବୁଜେମ୍ ଆଦ୍ତଡ଼୍, ଆ ସାରେ ନାରୁଡ଼୍ ମୁନେ ଆ ନିୟମ୍ତେ ବଇ ତାତ୍ତଡ଼୍। 3 ଆସୁଙ୍କ୍ ଆ ଏର୍ଗୁଇନ୍ଦେ ନାଲୁ ପାକେତ୍ ଏରସ୍ତାଗ୍, ମାନେୟି ନୁ ନାଟାଡ଼୍ ଆଗେତ୍ ବେସ୍କ ନାରୁଡ଼୍ ବୁଜେମ୍ ଆଦ୍ତଡ଼୍, ଆ ସାରେତଡ଼୍ ମୁନେ ନାର୍କୁକନ୍ ମାଦ୍ନାମ୍ ଜାକ ବଇକନ୍ କାରିୟିତଡ଼୍; ମେଣ୍ଡେ, ସାରେ ନାରୁଡ଼୍ କେୱୁ ଆ ନିୟମ୍ ବଇତ୍ ପର ଦ୍ୟାନ୍ ମାତ୍ତେ।
8 ମେଣ୍ଡେ, ଅଡ଼୍ ଲେକେତ୍ ପରମେଶ୍ୱରତେ ନିୟମ ବଇକନ୍ କାରିୟିତଡ଼୍ ନୁ ଅଡ଼୍ ଆଦିନ୍ ଅର୍ଥ ବୁଜା ମାଡ଼ିତ୍ତଡ଼୍, ଆସୁଟ୍ ନାରୁଡ଼୍ କାରିୟିତାଦ୍ ବୁଜେମ୍ ଆତ୍ତଡ଼୍।
18 ମେଣ୍ଡେ, ଏଜ୍ରାଲ୍ ପ୍ରଥମ ଦିନ୍କନ୍ ଶେଷ ଦିନ୍ଏୱୁନା ସାରେ ଦିନା ପରମେଶ୍ୱରତେ ନିୟମ ବଇକନ୍ କାରିୟିତଡ଼୍। ମେଣ୍ଡେ, ନାରୁଡ଼୍ ସାତ ଦିନ୍ ଏୱୁନା ପାଣ୍ଡୁମ୍ ପାଲନ୍ ମାଡ଼୍ତଡ଼୍; ମେଣ୍ଡେ, ନିୟମ ଅନୁସାର୍ତେ ଆଟ୍ ଦିନ୍ତେ ବାଡ଼୍ୟେ ମିଟିଙ୍ଗ୍ ଆତ୍ତେ।