Jisas duglo beglkwa yagl ye Jisas kanigwa
19 Ana Sande min paugo, Jisas duglo beglkwa yagl i, Juda yoba kade kuduglno goglsre, dua lok sidre, yugugl meglkwa. Yugugl meglko, Jisas u ye meglmara suna adigl moglsre, yegl dugwa, Ene deno muduno wida dinabiwe dugwa. 20 Jisas yegl didre, ye ogo ya dagigle kanaiglmedi obuno di togwa. Obuno di togo, ye duglo beglkwa yagl i, Yagl Kade kanimara i pre gun yeigwa.
21 Jisas ye aglke kor yegl di togwa, Ene deno muduno wida di yenabuka. Na Nina na dedumere yegl, na ene ama dediwe dugwa. 22 Jisas yegl didre, dra mur pu di ye meglmara edidre, Ene Mudu Murubuglo io dugwa. 23 Yegl didre, ama yegl dugwa, Ene yoba ta tadaglmeno kide kodinaiglkwa i, tadaglmeno kaima dudunabuka. Te, ene yoba ta tadaglmeno kide kodokraiglkwa i, ye tadaglmeno kaima pai morabiwe dugwa.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)