Lucas 15

3 Ye ka yegl digwa pre Jisas ka ebrie ta yegl dugwa, 4 Yagl ta sipsip 100 kurabuka ba sipsip swara ta wau boran, ye siragl erabe? dugwa. Ye sipsip 99-pela yoko moraiglkwa i kanige ersre, swara ta wau boglkwa i, dokinabuka. 5 Doko kanabuka igne, ye gun yedre, sipsip i kugro i pi 6 yugugl edidre, kabaglemo ya yoba magigl akie kipanaiglkwa i, agle di, yegl di tenabuka, Nono akie gun yenamniwa. Na sipsipna swara ta wau boglkwa ba na doko kan iwe di, yegl dinabuka. 7 Kuno yegl mere tadaglme yoba swara ta nomane yake tenan, God ye angeloma bogl gun podo yenaiglkwa. Ye yoba 99-pela ta yoba du mogl kodigwa i pre gun kebra yenaiglkwa ba tadaglme yoba swara ta nomane yake tenan, gun podo kide yenaiglmiwe dugwa.