Ganogile ga Mulungu gachimuhe gali mwa Kilisito
3 Yatogoligwe Mulungu na Tata wa Mndewa wetu Yesu Kilisito! Kwavija, kwa kuilumba na Kilisito kaching’ha ganogile kwa kuchigolela nhuza zose za muhe wa kuulanga kwa Mulungu. 4 Kulawa isi hainalumbigwa, Mulungu kachibagula chiwe wake kwa kuilumba na Kilisito ili chiwe chinang’hanigwa bila kua na nhale haulongozi wake, kwambuli ya wende wake. 5 Hata isi ikala ing’hali kulumbigwa, Mulungu kachisagula chiwe wake kwanzila ya kuilumba na Yesu Kilisito. Ivo viyalondile na kunuila. 6 Ivo, nachimtogole Mulungu kwambuli ya ganogile gake na ukulu uyaching’ile kwa Mwanage yeli na wende nayo!