Resultados da busca por "salvação"

4Pig-atag nan ya kanan pagka-utawun pada sa kanaten manga salaꞌ na un kitadun paluwa-en lekat adti pagdumala na malatay asini tas na lupaꞌ adun na manga allaw yeiy. Kay yeiy ya pagbayaꞌ dadan na Tyumanem na yan ya Ama tadun.

5Yanagaw umbaꞌ sakanan deyen na walaꞌ ya tyamanan. Amén.

10Asuntu sa piglong ku yeiy, diliꞌ kamu mag-anenganeng na pigkaliman ku na sayaꞌ aku na manga utaw. Bekeꞌ saba na maynan! Yan saba oloꞌ ya kaliman ku na katutukan ya Tyumanem kanak. Kay kun yan ya tud ku na sayaꞌ na manga utaw, na, bekeꞌ aku na tengteng sugu-anen ni Kristu.

7Pagleya͡an to-o nilan ya pagbasa͡an silan na manga utaw dun ni palingki. Aw pagkaliman nilan ya pagtawagen na ‘Magpalna-uway.’

12Kay pangkay singalan ya magpatastas, un saba sakanan padalemen. Aw ya utaw na magpadalem, un sakanan patasen.

17Buta kamu! Aw walaꞌ ya kya-ede-an mayu! Ayin kaꞌ ya to-o matas: ya bulawan aw ya Témplo? Ya bulawan migkalinis saba oloꞌ asuntu na awun ni seled na Témplo.

9Kay pigbukasan da nan adti kanaten ya kanan palpa na pigtaguꞌ asini muna. Aw dun yeiy katuman ni kan Kristu.

19Kaliman ku uman na ka-ede-an mayu ya kadakulaꞌ na katulus nan na walaꞌ ya maka-unawa na asini kanaten na manga mangintu-uway. Aw pigpakitaꞌ nan ya kanan katulus dun ni

20pagmataw aw pagpa-ingkud nan kan Kristu adti kalintu nan na adti tas na langit.

15Aw walaꞌ ya utaw na magsuluꞌ sa salengan pada sangkuban nan. Manang betang nan baling adti bantawanan pada ka-ilawan ya kadég na awun ni seled na balay.

29,30Yanagaw kun ya pag-inunu mu aw ya pag-awid mu, yan ya du-an na maka-imoꞌ kaw sa salaꞌ, madyaw pa baling na magpakawat kaw sa pangkay unu ya makapabuyu kanmu adti pag-imoꞌ sa salaꞌ. Pangkay pa kun lugiten mu ya kanmu mata aw pangkay pa kun utudun mu ya kanmu taklayan, madyaw pa na awun malagak dun ni kanmu lawas kay sa pa-emel-emelen ya kadakulaꞌ na lawas mu adti atulun na diliꞌ pagkapatayan.

37Yanagaw adti paglong mayu, ya e-e imo-a na ‘E-e.’ Manang ya diliꞌ, imo-a na ‘Diliꞌ.’ Kay kun dugangan mu na sapaꞌ ya piglong mu, kan Satanas da yan.

15Manang ya salaꞌ na manga utaw diliꞌ maka-unawa sa kallat na Tyumanem. Asuntu na lyumakad ya sambuk na utaw sa suguꞌ na Tyumanem, dyumateng adti kadég na utaw ya kamatayen. Manang to-o pa dakulaꞌ ya kallat na Tyumanem na pig-atag nan adti kadég na utaw magi kan Jisu-Kristu.

17Asuntu sa salaꞌ ni Adan, migdumala la ya kamatayen sa kadég na manga utaw. Manang to-o pa dun dakulaꞌ ya nya-imoꞌ ni Jisus. Aw pangkay singalan ya dumawat sa kallat nan, magi kan Kristu dawaten sakanan na Tyumanem kasiling na walaꞌ da ya salaꞌ aw matagtun nan ya ginawa na walaꞌ ya katigkasan aw magdumala eped ni Kristu.

18Yanagaw, asuntu sa salaꞌ ni Adan, pig-ukuman da ya kadég na utaw na awun da kamatayen. Manang asuntu sa pig-imoꞌ ni Jisus na walaꞌ ya salaꞌ, mabatug da lanasen ya manga salaꞌ na kadég na utaw, aw dun da silan dawata na Tyumanem kasiling na walaꞌ da ya salaꞌ. Aw matagtun nilan ya ginawa na walaꞌ ya katigkasan.

7Kun tengteng na kya-ede-an aku mayu, ka-ede-an da mayu uman ya kanak Ama. Yanagaw lekat adun, kya-ede-an da mayu sakanan aw kyinitaꞌ da mayu uman."

20Yanagaw dun ni allaw na kita-en aku mayu salut, ka-ede-an da mayu na aku awun ni Ama. Aw ka-ede-an mayu uman na nyaka-akup kamu kanak, aw aku awun gayed ni kamayu.

24Manang ya utaw na walaꞌ ya pagginawa kanak, walaꞌ nan uman daluga ya manga palna-u ku. Aw ya pigpalna-u ku na pigdengeg mayu, walaꞌ lekat adti kanak manang lekat adti Ama na migpadala kanak.

4Pagleya kamu gayed asuntu na nyakasambuk da kamu kan Jisus. Salutun pa ku uman ya paglong kamayu na pagleya kamu!

10Dakulaꞌ to-o ya pagleya ku aw ya pagpasalamat ku adti Tyumanem kay kya-anenganengan aku mayu salut magi sa pigpadala mayu kanak na tabang. Kya-ede-an ku na gayed kamu mig-anenganeng kanak manang walaꞌ ya selat mayu magpadala.

21Pangumusta͡an kami sa kadég na manga inulug na nyangintu-u kan Kristu Jisus. Aw nyangumusta uman ya manga eped ku asini sa kadég mayu.

1Asini sulat ini, pa-edeꞌ ku kamayu si Jisu-Kristu. Sa walaꞌ pa ka-imoꞌ ya kadakulaꞌ na banwa, awun da sakanan dadan. Pigkitaꞌ nami sakanan aw dayaw nami pig-awidan, aw dyengeg nami ya pag-ubat-ubat nan. Sakanan saba ya tengteng na Tingeg na yan ya lyekatan sa ginawa na walaꞌ ya katigkasan.

7Manang kun awun da kitadun ni kalalamdag kasiling na Tyumanem na awun ni kalalamdag, migkasambuk ya kadég tadun na nyangintu-u. Aw magi uman sa duguꞌ na Iseꞌ nan na si Jisus, kyalinisan kitadun sa kadég na manga salaꞌ tadun.

9Manang kun ubat tadun adti Tyumanem ya kanaten manga salaꞌ, na, lanasen nan saba. Aw linisan nan uman ya kanaten anenganeng sa kadég na malatay, kay kasaligan sakanan aw alag matinaw ya kanan pagbayaꞌ.

5Aw seled na limambulan ya pagpamulayam kanilan. Manang walaꞌ kanilan tumbayan na patayen ya manga utaw. Aw ya kasakit na pigbatiꞌ nilan kasiling na pigbangaꞌ na sangalan.

6Yanagaw ya manga utaw yeiy kaliman da nilan galu na maksay mangkamatay. Manang diliꞌ silan matay.

7Na, ya lawas na manga dulun yeiy kasiling na manga kudaꞌ na nyakatagilan da sa dakulaꞌ na tanam. Awun pigtulung nilan na kasiling na korona na bulawan. Aw ya gya nilan liwan na gya na utaw.

13Magpakatanaw kamu! Gayed mayu pakasaliga ya kamayu pagpangintu-u kan Jisu-Kristu! Diliꞌ kamu magkallek, aw pakabagsega ya kamayu ginawa.

20Aw ya kadég na inulug tadun asini Épéso na nyangintu-u kan Kristu, nyangumusta silan adti kamayu. Aw diliꞌ mayu pagkalingawan ya pagpangumusta͡ay kay mangkaylug ya kadég mayu adti kan Kristu.

24Pigginawa͡an ku ya kadég mayu kay nyakasambuk da kitadun dun ni kan Kristu Jisus. Amén.

13aw migtatawag silan, "Kay Jisus na Magpalna-uway! Kallati beg kami."

16Aw lyumuhud sakanan aw dyumukduk adti siki ni Jisus, aw to-o migpasalamat kanan. Na, ya utaw yeiy, Samariyanen sakanan.

30Aw maynan uman ya ma-imoꞌ dun ni paglikuꞌ ku na Iseꞌ na Utaw.

19Yanagaw pagselsel kamu sa manga salaꞌ mayu aw ka͡agadi mayu ya Tyumanem pada lanasen nan ya manga salaꞌ mayu. Kun imo-un mayu yeiy, dumateng ya manga allaw na pakaganen na Tyumanem ya ginawa mayu,

20aw padala pa nan salut asini tas na lupaꞌ ya Misiyas na un magdumala kamayu, na yan saba si Jisus.

23Aw pangkay singalan ya diliꞌ dumalug sa piglong na propita yeiy, taniyen sakanan aw patayen.’ 3:22-23 Mabasa adti Déutéronomiyo 18:15,18,19.

9Na, ya kadég na utaw na kyuman dun, manga upatemmalalan (4,000). Aw pagkatigkas nilan kuman, pigpapanaw silan ni Jisus.

18Awun saba mata mayu, anangaꞌ walaꞌ mayu kita-a? Awun saba talinga mayu, anangaꞌ walaꞌ mayu dengega? Unu, kyalingawlingawan da mayu ya kyinitaꞌ mayu

25Aw pigbetang pa uman ni Jisus ya manga palad nan adti manga mata na eseg. Aw sa pagtandaw nan salut, dayaw da kyumitaꞌ aw mabangal da ya pag-inunu nan.

7Magpakatadeng ya kadég mayu! Kay awun saba madég na magpasungkul adti pag-imoꞌ sa salaꞌ. Manang to-o malatay ya un datengan na utaw na maggagad sa eped nan adti pag-imoꞌ sa salaꞌ.

16Manang kun diliꞌ sakanan tumandeꞌ kanmu na awun salaꞌ nan, pagpa-agad kaw sa sambuk aw kun duwa ya eped mu na mangintu-uway. Kay dun ni pagbalawbalaw mayu, duwa kun tulu ya magmatinaw sa salaꞌ nan.18:16 Ya lyekatan sa palna-u yeiy, Déutéronomiyo 19:15.

33Anangaꞌ walaꞌ mu kallati ya eped mu kasiling na pagkallat ku kanmu?’

15Aw yan ya du-an na nyatay sakanan asuntu sa kadég na utaw, pada sa pag-eyaꞌ pa tadun asini tas na lupaꞌ diliꞌ da tadun dalugun ya pagkaliman na kanaten pagka-utawun. Manang yan baling ya dalugun tadun ya pagkaliman ni Kristu kay yan ya nyatay pada kanaten aw nyataw uman.

17Yanagaw pangkay singalan ya nyakasambuk da dun ni kan Kristu, nyabagu la sakanan. Kay lyumabay da ya dadan aw ya bagu migpalekat da.

21Si Kristu, walaꞌ ya salaꞌ dun ni kanan. Manang asuntu sa pagbayaꞌ na Tyumanem, nyakapisan baling adti kan Kristu ya kadég na salaꞌ na manga utaw pada dawaten kitadun na Tyumanem kasiling na walaꞌ da ya salaꞌ.

3Ya Uldin diliꞌ nan mabatug ya pagpaluwaꞌ kanaten lekat adti pagdumala na salaꞌ, kay diliꞌ tadun mabatug tumanen ya kadakulaꞌ na Uldin asuntu na oloꞌ kitadun utaw. Manang mabatug saba na Tyumanem ya pagpaluwaꞌ kanaten. Pigpadala nan asini tas na lupaꞌ ya kanan Iseꞌ pada yan ya magti-is sa kadaman na Tyumanem sa salaꞌ tadun, magi sa lawas nan na pigkalabu adti krus.

13Kay kun kenneꞌ pa tadun dalugun ya pagkaliman na kanaten pagka-utawun, yan saba ya datengan tadun ya pa-emel-emel na Tyumanem na walaꞌ ya tyamanan. Manang kun tengteng tadun ayawan ya kanaten manga salaꞌ aw manga imo-unun na malatay magi sa tabang na Ispiritu Santo, matagtun tadun ya ginawa na walaꞌ ya katigkasan.

24Kay dun ni pag-iman yeiy, nyakaluwaꞌ da kitadun. Na, ya pag-iman na kyinitaꞌ da, bekeꞌ yan na pag-iman. Kay singalan utawa ya mig-iman sa kyinitaꞌ da nan? Walaꞌ saba!

5Sambuk da oloꞌ ya Matas na Pangulu, sambuk da ya pyangintu-uwan, aw sambuk da oloꞌ ya kakawasan na pagba͡utismu kanaten.

9Na, unu ya kakawasan na pagka-engat nan? Ya kakawasan yeiy, nyanog una si Kristu asini lupaꞌ.

23Pabaguwan mayu baling sa Tyumanem ya kamayu anenganeng.

14manang pangkay singalan ya minem sa tubig na atag ku, diliꞌ da sakanan salut talaynemen. Kay ya palangad tubig na un ku atag, masiling saba na selep na gayed tyumugbul dun ni kanan anenganeng, aw matag kanan sa ginawa na walaꞌ ya katigkasan."

30Yanagaw ya manga utaw lyumekat adti lunsud yan aw nyadtu silan adti kan Jisus.

41Aw asuntu sa pagpalna-u ni Jisus kanilan, to-o pa madég ya nyangintu-u kanan.

5Kay ya manga salaꞌ nan gayed da mig-ilantulantu mendaꞌ na syumangkuꞌ adti langit.Aw diliꞌ ku kalingawan ya madég na pigpan-imoꞌ nan na malatay.

7Kun sangunu ya pagpatastas nanaw ya kanan pagkamayaman aw ka-unan na dakulaꞌ ya alagaꞌ,imo-un adti kanan ya umbaꞌ sa manga salaꞌ nan.Yanagaw atagan sakanan na manga pagamak aw kakalatan na ginawa,kay ya Babiloniya kasiling na ka͡ubayan na migpalibantug miglong adti anenganeng nan,‘Aku ya rayna! Nyingkud aku adti kanak trunu na un magdumala.Diliꞌ aku kasiling na balu na migkalat ya ginawa.’

8Manang asuntu sa pagpalibantug nan, dumateng adti kanan ya madég na pagamak seled na sangallaw.Lemenen nan ya kakalatan na ginawa aw kageteman aw ya pagkamatay nan.Aw ya datengan nan ya masangab.Kay to-o matulus ya Matas na Pangulu na yan ya Tyumanem na un mag-ukum kanan."

1Kay manga inulug ku dun ni probinsiya na Galasiya, ayin pakabetang ya anenganeng mayu? Singalan ya migpabelengbeleng kamayu? Kay mabangal saba ya pigpa-edeꞌ kamayu idtu muna sa kakawasan na pagkalabu kan Jisu-Kristu adti krus na yan ya kalyu kamayu.

3Ayin kaꞌ pakabetang ya anenganeng mayu? Idtu muna, sa bagu pa kamu nyangintu-u, gayed kamu syumalig sa tabang na Ispiritu Santo, manang adun, yan da baling ya pigsaligan mayu ya kamayu pagka-utawun.

26Kay magi dun ni pagpangintu-u mayu kan Kristu Jisus, nya-imoꞌ da ya kadég mayu iseꞌ na Tyumanem.