1 ✝ 1.1 Joh 1.1. Tomukwalila nekweDama lebutjilo, lakalilipo kubvisila kutangisa, latakawha nekwalo tikalibona nemeho edu, latakalinga tikabhata nemaboko edu. 2 ✝1.2 Joh 1.14.Butjilo gwakazumbunugwa, tikagubona ndizo topa busupi nekwago, kakale tosumikila kumuli butjilo gusingapele gwaka guna Tate kakale gwakazumbunugwa kutili. 3 Tosumikila kose nekumuli tjatakabona netjatakawha, kuyetila kuti mudlidzane naswi. Iswi todlidzana naTate neNkololo wabo Yesu Khirisitu. 4 ✝1.4 Joh 15.11; 2 Joh 1.12.Tomukwalila ikoku kuyetila kuti hanha kwedu*1.4 kwedu dzimwe whalo whulukugwi dzotikwenyu kupelele.

5 Iyawa ndiwo matama atakawha kubva kuwunli kakale atinomubudza iwo. Ndzimu utjedza kakale muwunli akuna kene ilo hhalima. 6 Hapa titi todlidzana naye, ngeno iswi tiyenda muhhalima, tonyepa kakale atitotjila mulebeswa. 7 Koga hapa titjila mutjedza, sa iye ali mutjedza, todlidzana pakati kwedu, nelopa laYesu Nkololo uwe lotisuka jinyo lose.

8 Hapa titi atina jinyo, tozwitjengela, nelebeswa alipo mutili. 9 Hapa tilebulula matjinyo edu, unogalikabgwe kakale wakalulama, unowhotiyetila mazwibhatigwa matjinyo edu, ekatisuka salulama kose. 10 Hapa titi atizotjinya, towunthama nyepi, nedama lile alipo mutili.