3 Koga zwibhayilo izwezwi zwikumbuludzo zwematjinyo gole negole. 4 Ngobe akutoyetika kuti malopa emikono nembudzi aduse matjinyo.
5 Nentha yayikoku Khirisitu wakati ahha muhango akati,
"Amutohaka zwibhayilo nemipilo,
koga makandibaakanyila mbili,
6 amutohanhisiwa nemipilo inopisiwa
nemipilo yematjinyo.
7 Ndakakotjiti, ‘Imi ndahha kuti
ndiwhothama kuda kwenyu, imwi Ndzimu,
sekwakakwagwa nekwangu mulukwalo.’ "
8 Kutanga waka eleba eti, "Amuzotongohaka zwibhayilo nemipilo inopisiwa nemipilo yematjinyo, kene iko hanha nekwayo" (nekene kwaka kupigwa kutobegwa nlayo), 9 wakapamha eti, "Imi ndahha kuti ndiwhothama kuda kwenyu." Unodzima kwekutanga eyetila simisa kwebubili. 10 Ngekuda ikoko takatjenesewa ngepigwa kwembili waYesu Khirisitu kan’ompela tjatjose.