11 Koga hapa meya iye iwhoyo wakamusa Yesu kubafi igala mumuli, iye wakamusa Khirisitu Yesu kubafi unowhopa kakale mibili yenyu yenyama butjilo ngeMeya iye, iyo inowhogala mumuli.
12 Ndizo, makamu angu, tina nlandu, koga kusi kunyama, kuti titjile sekunoda nyama. 13 Ngobe hapa mutjila sekunohakiwa nenyama, mowhofa; koga hapa mungabulaya zwiyeto zwenyama ngeMeya, mowhotjila. 14 Ngobe bose banotungamigwa ngeMeya yeNdzimu, bana beNdzimu. 15 Ngobe amuzowamutjila meya yebulanda inomubgwiliza mukahla, koga makawamutjila meya yeba bana beNdzimu, kakale nayiyeyo Meya tolila titi, "Abha8.15 kubva kuti Tate, Tate." 16 Meya ngekwayo inobvumilana nemeya yedu, kuti tibana beNdzimu. 17 Hapa kuli kuti tibana beNdzimu, tinghalinhaka, nghalinhaka dzeNdzimu kakale tinghalinhaka kan’ompela naKhirisitu, hapa kuli kuti ngelebeswa todziyidzika bo mukudziyidzika kukwe kuyetila kuti tikudziwe bo mugudzo lile.