6 Kandää, marä tə̂ aərə səkɔ wûtu gâ tə̂ əndje ndə kə pa a wu kanika a ma əgo aəmbrʉ aərə ma mata ə̂në əndje mâ əgo nə leme-e kɔ ne. 7 E dö dö tə̂ e tə aawovrɔ aamba andjapä, mata ə̂në alabə̈ azü nə lə takpa tə̂ əndje nə mbrə̂ kɔ ne. Rə də̂ Fraka nə̂ Ndjapä pâ əpʉ ə pa: «Azü nə sə̂ gâ tʉ ndə kə pa əndje zɨ ərə ə ndju ərə, â mandânə, əndje âfɔ ndə kə du ə̂rû.»10.7 Wu Wutu 32.6. 8 A zä zä əpʉ ə̂trû gâ tə̂ əzə̂ mata ə̂në alabə̈ azü nə lə takpa tə̂ əndje nə yî tə̂ əndje gâ lə nə leme-e, â azü sake zazü bale amanə vəta (23 000) tshû alɔ bale kɔ ne.10.8 Wu Kumu 25.1-9. 9 A tä trä lɔsu Kristə, mata ə̂në alabə̈ azü nə lə takpa tə̂ əndje nə trâ â aəkrɔ lô əndje â əndje tshû leme-e kɔ ne. 10 E dɨ̈ dɨ̈ tsheləma e, mata ə̂në alabə̈ azü nə lə takpa tə̂ əndje nə dɨ̂ tsheləma əndje â trawaya kuzu nə̂ Ndjapä wô əndje kɔ ne.10.10 Wu Kumu 17.6-14.
13 Aərə kə tra lɔsu e nɔ̂ ə̂në ə te gâ tə̂ e kɔ ə sə tə aərə ə̂në ə sə kə wutu gâ tə̂ azü nɔ̂ kɔ kə sə̂. Ndjapä sə kə mbrə ndəma ye alɔnɔ̂, tshə sə sə kə katə̂ e ndə kə pa aərə nə tra lɔsu e ə ro pâ e ne. Bale, lə ərə kə tra lɔsu e nə, tshə sə kə za awlra kə e ndə kə pa e ru ə ru ə za äwä kə e ndə kə pa e wutu lə nə.