18 Äwä kə zu Jezu Kristə sə rəke. Əyï nə də Marə̂ sə tə yashe ə̂në Jozafu yîndə kə za ətshə. Bale, angbʉlînə ndə kə pa əndje ko tə̂ əndje, Marə̂ zâ əndu tə̂ äwä Âgbɔ̂ Yîrə̂. 19 Äkɔ̈ nə də Jozafu sə tə ə̂rɔ̂ əzü. Ə̂në tshə yî yində kə wutu də əpʉ nə gashu lə ala azü nɔ̂ ka ə za gana gâ lə ala əwɔ nə ne kɔ, tshə prâ äwä ndə kə katə̂ ye kʉ lə gə̂lê nə. 20 Ə̂në tshə sə pə kə tegbɔ kumu ye gâ pâ nə kɔ, ə̈bə̈ trawaya nə̂ Əyïlingû bʉ̂ gâ tə̂ ye lə ə̈lü ə pa: «Jozafu, ätä Davidə, awa ndə kə pa bə za əwɔ zə də Marə̂ ma əbə ma ne. Mbrə ə̂në əgblə nə ə̂në tshə zâ əndu ye kɔ nâ tə̂ äwä Âgbɔ̂ Yîrə̂.
24 Alɔ ə̂në Jozafu jô lə əlo nə kɔ, tshə mâ ərə ə̂në trawaya nə̂ Əyïlingû nə zâ ama kə ətshə ndə kə pa tshə ma kɔ. Tshə zâ əwɔ nə gâ lə anda. 25 Bale, Jozafu də Marə̂ shô shô də koshe də yashe ne ʉrrr ndjɔ gâ tə̂ alɔ ə̂në Marə̂ nə zû ə̈bə̈ əgblə koshe â Jozafu djî əɨrɨ ye ə pa Jezu kɔ.