Romanos 10

12 Rəkɔ, Ajuwufu nə sə sə kpî tə̂ azü ə̂në əndje sə sə tə Ajuwufu nə ne kɔ ne: əndje nɔ̂ sə kʉ də Âgbɔ̂ Əyïngerə bale ə̂në tshə sə kə ko aə̂rɔ̂ aərə kə azü ə̂në əndje sə kə e ətshe kə ətshə kɔ. 13 Mbrə ə̂në Fraka nə̂ Ndjapä pa: «Əzü nɔ̂ ə̂në tshə e ətshe də əɨrɨ Âgbɔ̂ Əyïngerə, tshə sə kə tshɔ lə kuzu.»*10.13 Wu Jow 3.5.

Kə mʉ Ə̂rɔ̂ Əpʉ

14 Bale, əndje sə kə e ətshe nə kə ətshə atâ ə̂në əndje za lɔsu əndje za kə ətshə ne kɔ? Â əndje sə kə za lɔsu əndje nə kə ətshə atâ ə̂në əndje dji əpʉ gâ pâ ye dji ne kɔ? Â əndje sə kə dji əpʉ nə gâ pâ ye atâ ə̂në ə̈bə̈ əzü bale mʉ əpʉ nə mʉ ne kɔ? 15 Â əzü sə kə mʉ əpʉ nə atâ kədə əndje wla azü wla ndə kə mʉ əpʉ nə ne? Mata ə̂në Fraka nə̂ Ndjapä nə pa: «Ə̈nü aawomʉ Ə̂rɔ̂ Əpʉ fʉ ə fʉ.»*10.15 Wu Eza 52.7. 16 Bale, ə də̂ azü nɔ̂ də̂ kə yində Ə̂rɔ̂ Əpʉ nə kɔ ne. Mbrə ə̂në Ezayi pâ əpʉ ə pa: «Âgbɔ̂ Əyïngerə, əde kə yində əpʉ nə ə̂në ä mʉ kɔ də lɔsu ye?»*10.16 Wu Eza 53.1. 17 Rəkɔ, əpʉ lɔsu nə to tə̂ əpʉ ə̂në əzü ə dji kɔ â əpʉ nə ə̂në əzü nə ə dji kɔ sə tə əpʉ nə̂ Kristə nə.