1 Imi naPaulu, Silivanosi naTimoti.

Kugubungano lyabaTesalonika kunaMwali Tate munaTezi Jesu Kristo.

Ngakube Chipiwo nolunyalalo.

2 Tinopa kuboka Mwali mazhuba ose pezhulu penu mwose timuleba wose nshaji muminamato yedu, 3 tinomukumbuluka mbeli kwaMwali wedu, ndibo Tate, mishingo yenu yokudimbwa, kushinga kunova muludo, nokusungwala kolubimbo munaTezi Jesu Kristo. 4 Toziba, banakwaina banodikana naMwali, kuti iye wakamushala. 5 Nokuti iNdebo iMbuya yedu yakaswika kwamuli esimawhi chete, koga yakaswika nesimba, noMpepo uNchena, nokudimbwa kukulwana, akale munoziba kuti takatondeja kuti banhu bali chini tili namwi titila imwi. 6 Namwi mwakakwejejela isu naTezi, kojoba mwakabeli mukujijwa mwakatambula iWhi nolushanto, musungwajwa muMpepo uNchena, 7 kutila kuti chibe chibonelo kubavumili bose bokuMasedoniya nokuAkeya. 8 Atoba kuwhi iWhi lyaTezi lyakatanga kupalalanywa kuvila kwamuli, likaswika kuMasedoniya nokuAkeya chete, koga kudimbwa kwenu kunaMwali kwakazhalilana kale, nokudalo azwichinoshakika kuti tilebe zwimwe. 9 Nokuti ibo ndibo banolebeleka nozwedu kuti mwakatitambula chini pakati penu akale kuti mwakalinga kunaMwali mutukulila zwimwali, kuti mushingile Mwali umpenyu wechokomende, 10 akale kumilila Mwananhulumyana uwe eva kudenga, waakamusa mubafi, Jesu unotichija mubukali bukumuzha.