1 Yoku kushanya kwangu kwetatu ndizha kwamuli. Undandu unosimiswa nobusumikiji bwabasumikiji babili kana batatu. 2 Ndakabachenjeja yabo bakachinya kutanga nabamwe bose, nangweno ndikumubachenjeja ndisipo, sezwandakata ndilinamwi pakushanya kwangu kwebili, kuti kana ndingozha kabili anditoobawhila ishe, 3 nokuti moda chisimatijo chokuti Kristo unolebeleka munami. Kristo aajiloshayiwa isimba lyokumulanga, asi unesimba mukati mwenu. 4 Nokuti wakakahamililwa mukudemuka, asi umpenyu musimba lyaMwali. Isu tinabutela muna iye, asi mukukamujana namwi toogala naye mumasimba aMwali.

5 Zwipenyenguleni nokwenu, mubone kuti mulobhatilila mukudimbwa kwenu. Zwikwejeni nokwenu. Amuzwibweni na, kuti Jesu Kristo umo munamwi? Kuzhe kokuti muchokomende mukonelwe ikwejo! 6 Ndinobimba kuti munowana kuti atijakakonelwa. 7 Koga tonamata kunaMwali kuti imwi musite chibi, kusi kuti isu tiboneke tili batubula ikwejo, asi kutila kuti imwi mute zwilolulama, kojoba isu tiboneka tilibakonelwa. 8 Nokuti atingate chinhu chinonyenyejana nechokomende, koga zwinosimatija ichokomende chete. 9 Nokuti toshanta kana tilimatela imwi muli nesimba. Zwatinonamatila kunyamuka kwenu. 10 Ndikumukwala yezwi ndisinamwi, kutila kuti kana ndaswika ndisibe nobukali ndishingisa isimba lindakapiwa naTezi lili lyokubaka lisi lyokukolomola.

11 Pakupejeleja, banakwaina, sosalani zwenu. llulamisani inzila jenu, tobelani kubweteja kwangu, ivumilanani umwe noumwe, mugale nolunyalalo, nezwo Mwali woludo nolunyalalo unoba namwi. 12 Imusanani nokumusana kuchena kobwanakwaina. 13 Bachena bubalile bakumumusa. Chipiwo chaShe Jesu Kristo, noludo lwaMwali, nokukamujana kwoMpepo uNchena ngazwibe namwi mwose. 14 Chipiwo chaTezi Jesu Kristo noludo lwaMwali nokulyijana koMpepo uNchena kube namwi mose.