1 Ngweno azwilokwelela kuti ndimukwalile nezwompilo wolubhancho kubachena, 2 nokuti ndokuziba kuzwimisila kwenu, kunotisa kuti ndishiye namwi kumakubungano okuMasedoniya, nditi iAkeya yabakabambanyila kuvila mwakenyi, nokusungwala kwenu kwamusa banji kuti bepe. 3 Koga ndikumutuma banakwaina yaba kwamuli kutila kuti kushiya kwedu namwi penyaya yeyi kusi boneke samayabwe noyu unshaji, kutila kuti mube mwakabambanyila, sokuleba kwangu, 4 pamwe bamwe bokuMasedoniya bangezha nasu kova tiwana musakabambanyila, tinoolelupiswa tisinoleba nozwenu pezhulu pokubimba namwi kwakadai. 5 Nezwo ndasungwaja banakwaina kuti bezhe kwamuli ndisanhu, koobambanyila chipo chimwakabimbisa, kutila kuti chibambwe musinomanikijwa asi chili chipo chokuda kwenu.

6 Kumbulukwani yezwi, yoyo unobyala zwishoma unovuna zwishoma, koga unobyala zwinji unovuna zwinji. 7 Umwe noumwe ngeepe sokuyeya kukwe mundangalilo yiye, kusibe nokunyunyuta kana kubhatwa nesimba, nokuti Mwali unoda unopa ekashanta. 8 Mwali unotubula kumupa wose makombolelo mubunji, kuti mugunchikane muzwinhu zwose nonshaji wose akale angamupa zwinji kuti mute mishingo yose mibuya. 9 Sezwilokwalwa kuwhi,

"Unomezha kosekose, unopa basheti,

bululami bubwe bunoma kwemisi isinopela."

10 Iye unopa imbeyu kumbyali nechinkwa cholya unoomupa akale epamija imbeyu yenu yokubyala akale nokukubusa michelo yokupa kwenu kulolulama. 11 Moofumiswa munzila jose nokukoba kwenu kukulwana unshaji wose, zwichoobuza kubokwa kwaMwali pezhulu pedu, 12 nokuti kuta unshingo umbuya yoku akutopeja chete busheti bwabachena, asi kunopamija kubokwa kukulwana kwaMwali. 13 Nokubona unshingo yoyu wokubhancha, banokuja Mwali bebona kuwhilila kwenu iNdebo iMbuya yaKristo, akale nokusupulika kwemyoyo nokukoba kwenu kwabali nokuna bamwe bose, 14 kana ibo bechinomuzwimba akale bemunamatila, pezhulu peshe jaMwali jilopamijwa munamwi. 15 Mwali ngebokwe pezhulu pechipo chiche chinoshamisa!