Mateus 17

Yesu antepwa mwana mwene moka

14 Pabaikite palu' palipi’nga lya bandu, mundu yumo aannyendeli Yesu, ngakilikita nnu’ngi' yake, 15 ngabaya, "Bwana, ummi’ki kiya mwana wangu'! Mwanjaa aminya kyundaunda, na utamwe wo wendakunku’su’mbwa muno, ywembe atu’mbu’kyatu’mbu’kya pamwoto au mumasi'. 16 Naatikunneta kwa banamasi' bako, lakini baakombwili kuntepwa." 17 Yesu ngayangwa, "Mwenga mwa lubelekwo lulau na lwangali u’bi’lya! Nilu’a tama na mwenga na kunkomeya mpaka pakubawi? Unnete mwana wako pano." 18 Bai, Yesu ngankalipya aywo moka, naywembe ngammu’ka na yu’lu' mwana, ngayu’yu’ki’lwa saa yi’yi’lu’yi’lu'.