Mateus 18

Bi’kana wisowiso

15 "Nnongogo mana akukosile, unnyendeli ukankwi’li’ke mubile kisinu. Mana akuyu’wine wapanga umpatike nnongogo. 16 Mana akani kukuyu’wa, untole mundu yumo au abi’li' pamope na wenga, li’nga ‘Kwa ukong’ondeli wa bandu abi’li' au atatu kila iku’balo yabi’ki’lwa wiso,’ kati mwagabaya Maandiko Mapeleteu. 17 Mana akotwike kwayu’wa bo, ulibakiye kanisa. Na mana aaliyu’wali kanisa, na abe kwinu kati bandu bangali kuntanga Nnu’ngu' na alonga koli."

Kanikiya no yi’ki’ti’ya

18 "Kakape nimmakianga, lyolyoti lyamwalitaba padunia lyapanga litabilwe kunani, na lyolyoti lyamwaliyu’gu’lya padunia lyapanga liyu’gu’lilwe kunani. 19 Kai' nimmakianga panga, abi’li' nkati yinu mana bayi’ki’tyaniye lu’ba likowe lyolyoti pano padunia, Tati' bangu' ba kunani baalu’a kumpangya likowe lyo. 20 Kwa mwanjaa popoti palu' pabakongolekana bandu abi’li' au atatu kwa lina lyangu', nenga nibile pakati yabe."