Mateus 26

Yesu endasali mukyati' sa Getisemani

36 Bu’kapo Yesu ngayenda pamope na banamasi' bake mpaka kukyati' sakikemelwa Getisemani, ngaabakia, "Mutame pa, nanenga niyenda palu’ngi' nikalu’be."

37 Bu’kapo ngaatola Petili, Yakobi na Yoani, ngatumbwa usunika no auka. 38 Apo ngaabakia, "Mwoyo wangu' utwi’li usuni, ata pipi no waa. Mutame pano li’nga mukeleke pamope nanenga." 39 Bai, ngayenda nnu’ngi' pasene, ngatu’la ukukama, ngalu’ba kabaya, "Mwa Tati' bangu', mana iwesekine nnobo gu' wa ngu’su’mbu' munibu’ki’ye, lakini kaneipange kati mwanipala nengali, ila mwamupala mwa Tati'." 40 Ngaayendelya balu' banamasi' bake, ngaakolya bagonjike. Ngammakia Petili, "Mukombwili keleka pamope nanenga ata kwa lisaa limo? 41 Mukeleke na mulu’be li’nga mwaakane yingya mumapayilwo, kwa mwanjaa, loo yinu ipala panga makowe manogau, lakini yi’ga yinu nga kigopi."

42 Ngayenda kai' pampanda pabi’li' no lu’ba, "Mwa Tati', manaitei nnobo gu' ukombwali pi’ta kuutalu nanenga pangali kuunywelya, bai gamupala gapangike." 43 Ngaayendelya kai', ngaakolya bagonjike, kwa mwanjaa minyo gabe gaatopilwe na lugono.

44 Bai, ngaaleka, ngayenda kai' lu’ba pampanda patatu kabwi’li’gi’ya baya gagalu’galu'. 45 Bu’kapo ngaayendelya balu' banamasi' bake ngaabakia, "Buli, balo mukagonja no pu’mu’lya? Lingulyange! Saa itimile, na Mwana wa Mundu alu’a kamukiyilwa kwa bandu bene sambi. 46 Muyumuke, tubu’ke. Lingulyange! Yu’lu' ywanisongya endaisa."