Lulanga lwa 124

Omucunguzi w’Israheli

1 Lwimbo lwa kusôka. Lwa Daudi.

Nyakasane acibulaga bwarhulwîrakwo -Israheli nêci kuderhe-

2 Nyakasane acibulaga bwarhulwîrakwo, bulyâla bayisha barhuharhîrekwo,

3 singa bàrhumizire bagumagumà. Bulyâla bayisha barhudwîrhekwo omutula,

4 sînga rhwazisire omu mîshi, singa emigezi yàrhuhulwîrekwo.

5 Singa amîshi g’enshalalo gàrhubirundukirekwo.

6 Nyakasane ayâgirwe obu àrharhulîkiriraga, mpu rhubè minyama bazikamwo amîno.

7 Omûka gwîrhu kwo gwafulumusire nka kanyunyi, gwatwa oku isî ly’abarhezi, olusi lwatwîka, nîrhu rhwacîfulumukira.

8 Oburhabâle bwîrhu kwo burhenga okw’izîno lya Nyakasane Ye walemaga empingu n’igulu.