1 We wantwîra olubanja Yâgirwa, bulya ntalyâlyanya ntanadandabagana, bulya Nyakasane ye nyôrha mpizirekwo omurhima.

2 Ontangule, Yâgirwa, onyenje obone, onjè emurhima, onanje omu nsiko, olole.

3 Obwinjà bwâwe burhantenga omu masù, nâni niene ntarhenga omu njira y’okunali kwâwe.

4 Ntatamala ahâli ababî, ntanaja omu ndêko y’endyâlya.

5 Ntakwîrirwa endêko y’enkola-maligo, ntatamala ahâli encuku.

6 Obwêru-kwêru go mîshi ncîkalaba, ntanahwa ntakeya aha luhêro lwâwe, Nyamwagirwa.

7 Kuderha nti inmanyîse irenge lyâwe n’obwâlagale nnamanyîse abandi ebisômerîne byâwe byoshi.

8 Yâgirwa ntahimwa kurhonya eciriba c’enyumpa yâwe, n’ahantu irenge lyâwe lihanda.

9 Iroho lyâni orhaliganjiraga haguma n’ery’abanya-byâha, n’obuzîne bwâni orhabuhiraga haguma n’abahuma omukò.

10 Amaboko g’abôla oku gayunjwîre kubî, n’okulyo kwâbo kudwîrhe entûlo.

11 Niehe mwo ngera omu njira y’obwêru-kwêru, ondîkûze onambabalire.

12 Okugulu kwâni njira ya cidekêra kuyimanziremwo, nâkazikuliza Nyakasane aha abantu bali.