Lulanga lwa 67

Omusengero gw’olubaga nka lwamâyus’isârûla emyâka

1 Gwârhi omukulu w’abimbiza. Oku nzihwa z’emisî. Lulanga. Lwimbo.

2 Nyakasane Nyamuzinda arhubabalire anarhugishe, arhumolekere n’obusù burhulwîre.

3 Abantu boshi bamanye enjira zâwe, n’amashanja goshi gamanye obucunguzi bwâwe.

4 Igulu lyoshi likukuze linakuvuge omunkwa, Yâgirwa Nnâmahanga; igulu lyoshi likukuze linakuvuge omunkwa.

5 Amashanja goshi gasime ganacîshinge, bulya oyishi cîranulir’abantu n’oburhondekezi; bulya we Mwâmi w’amashanja g’en’igulu.

6 lgulu lyoshi likukuze linakuvuge omunkwa, Yâgirwa Nnâmahanga; igulu lyoshi likukuze linakuvuge omunkwa.

7 Obudaka bwayezire emburho; Nnâmahanga Nyamuzinda wîrhu ye rhuhà omugisho.

8 Nyamuzinda arhugishe, n’amahanga goshi gamurhinye en’igulu.