1 Nyakasane ayîmire, acîhundikîre obwâmi, Nyakasane acîhundikîre obuhashe, akenyîre bwinjinjà n’igulu àligwîsire buzibu, lirhankadundagana.

2 Kurhenga ensiku n’amango erhi entebe yâwe ebà ngwîke. Kurhenge ensiku n’amango erhi ho ôbà.

3 Enyîshi zidwîrhe zakabanda, Yâgirwa, enyîshi zidwîrhe zakabanda erhi na kahababo enyîshi zidwîrhe zàshekêreza, zalujira erhi na lubî.

4 Ci kwône obuhashe Nyakasane agwêrhe emalunga, bulushire izù ly’amîshi manji manji, bulushire akafurhè k’amayanjayanja.

5 Akanwa kâwe kanali ka kuyêmêrwa, enyumpa yâwe Yâgirwa enali ya kukengwa ensiku zoshi.