Nyamuzinda Mucîranuzi w’okuli
1 Gwârhi omukulu w’abimbiza. «Shukira orhashâbe». Lulanga. Lwa Azafi. Lwimbo.
2 Kukuza kuno rhudwîrhe rhwakukuza, Nyakasane, kukuza kuno rhudwîrhe rhwakukuza. Rhudwîrhe rhwakuza izîno lyâwe, rhunadwîrhe rhwayimba ebisômerîne byâwe.
3 Amango nâtwa olusiku go na mango nâtwa olubanja niene; nk’oku binahashikîne.
4 Ciru igulu lyankadundagana, n’abaliyûbakakwo boshi badûndagana, amakondo gâlyo buzibu nagagwisire.
5 Nabwîzire abalimbirira, nti: «Murhalimbirire», n’enkola-maligo, nti: «Murharhege amahembe».
6 Nti: «Murharhege Ow’Enyanya amahembe, murhahiraga mukashinyagulira Nyamuzinda!»
7 Arhali yo âyîsh’ebushoshôkero bw’izûba, nîsi erhi ebuzikiro bwalyo; arhali yo âyîsh’ebwa ntondo,
8 Nyamuzinda ye mutwî w’emmanja: anayandagaze muguma, alengeze n’owundi.
9 Bulya Nyakasane akola afumbasire akabêhe, kayunjwîre irivayi lyabira, linali lya cigushè. Amâbahungulira kuli ko: enkola-maligo zibà okw’igulu, ene zanywa zishongôze.
10 Niehe nâyôrha nsîmire ensiku n’amango, nanzihire Nyamuzinda wa Yakôbo olulanga.
11 Kutuntuma nâtuntuma amahembe g’enkola-maligo, amahembe g’abashinganyanya gohe kugôya nâgagôya.
/images/a/iTK5eqmWOIFINBZ2i5Kbk)
/images/a/WG5FS9VaSWVnVmV3VI8yP)