Salmos 15

Omwîra wa Nnâmahanga

1 Lulanga. Lwa Daudi.

Yâgirwa Nyakasane, ndi wankabêra omu bwâmi bwâwe;

Ndi wankatwa ecirâlo oku ntondo yâwe ntagatîfu?

2 Ow’olugendo lwimâna n’ojir’ebishingânîne,

n’oderha eby’okuli nk’oku binali omu murhima gwâge;

3 Orhagamba ndi omu lulimi lwâge,

Orhajirira wâbo kubî, arhanajacira mulungu wâge.

4 Anagayaguze omuherêra,

akenge abarhînya Nyamuzinda.

Ebi acîgashiraga,

arhankacibigashûla, ciru ankahona;

5 Arhahogeza bunguke,

arhanalya mpyûlo mpu aheze omwêru-kwêru.

Oyôrha ntyo, ntà mango ankahuligana.