Bokwea bo yesu ta Yelusalɛmɛ
(Endja pongono ta Mat 21, 1-11; Luk 19, 28-40; Yoa 12, 12-19)
1 Ehole ebatamaka bo na ibonga i Yelusalɛmɛ, baimeaka ta Betepasa e Betania, mbuti na makoli ma Olipa; Yesu alomaka batingami ba nde babae. 2 Abalaka na bu: «Kɛni ta ngando yena edi boso bo bino. Ehole aimeakeno, wataneakeni mwana, o tito okabee bo, ane atingi; yona oda moto pɛ bobakama boso. Motingoani ko duani na yu. 3 Moto akohɔdjɔni: "Tina ndani wakɔkɔni bea", balani na nde: "Kumu adi na ikamba na yu, na bea aesɔmbedjakedea pɛpɛlɛ11, 3 Kumu Makoma makina Molehi Kaoko Moswande. Amoenɛke iya napɛ ekoka Makoma makina, bokimana na milɔngɔ, Na Moswande bamoenɛke iya napɛ ekoka.."» 4 Bakɛkɛ ko bataneaka mwana o tito omina atingi sokolu, mbuti na ekukɛ, na ndjea; ko baetingoaka. 5 Bato badaka ena babahɔdjɔkɔ: «Eka akɔkɔ no nda? Tina ndani watingoakani mwana o tito iyo?» 6 Babasɔmbedjaka oko moda mobalaka Yesu na bu, ko babakinaka bokɛ. 7 Bahulaka na mwana, o tito okabee bo ane, adi Yesu. Babakeaka bisendja bi bobo ta diko i tito ko Yesu abakamaka ta diko i yu11, 7 Kokanedja na Zak 9, 9.. 8 Emumu e bato enɛnɛ baandaka bisendja bi bobo ta ndjea ko bakina bapeaka mango ma mabia mabukakabo ta gbie11, 8 Elenge ta Bakondji ba babae 9, 13, edi esendja eka babee bakumu mako.. 9 Bato ibadalaka boso bo Yesu ko na bia bamokimanaka badaka bagama: «Odjana adi Ndjakomba! Ko Ndjakomba adjongoe yona aduake na kombe e Kumu! 10 Ekumu edae ta bokumu bua baduake, bokumu bo Dapiti Sange e biso! Odjana ta bisika inɔi na diko i losusu11, 10 Kokanedja ta Ndj 118, 25-26 Ekumu Molɔngɔ 9 Ekumu Molɔngɔ 10 endja ta Mat 21, 9 ko ta molɔngɔ.!» 11 Yesu akweaka ta ibonga i Yelusalɛmɛ ta tepelo. Ngɔngɔ iboendja misusu midaka mbuti na nde, akɛkɛ ta ibonga i Betania na bapɔsɔlu ba nde domi na babae, tengasa eimeaka mɔmɔkɔ.
Yesu alakedji mole mo pigi
(Endja pongono ta Mat 21, 18-19)
12 Aya busa, ehole ekinaka bo ibonga i Betania, Yesu aokaka ndja. 13 Aenɛkɛ bohali mole mo pigi molumaka na kasa, akɛkɛ na elɛndɛ ebotanea mbuma; endolo ehole eimeaka yo mbuti na mole, ataneaka oto kasa; tengasa eidaka bodidi bo mbuma i pigi. 14 Na bea Yesu abalaka na mole mo pigi: «Moto atayabi naikina seko na seko mbuma i wɛ!» Ko batingami ba nde baokaka.
Yesu ta tepelo
(Endja pongono ta Mat 21, 12-17; Luk 19, 45-48; Yoa 2, 13-22)
15 Baimeaka ta ibonga i Yelusalɛmɛ. Yesu akweaka ta tepelo ko abangaka bobengana bato i batɛkɛkɛ na i basombaka ta ikanga i tepelo. Adumbakaka mesa i batɛki ko na bidie bi batɛki ba bimbenga11, 15 Ta polo emina Edi ta ikanga imɔti i tepelo,edimama adi bato badi pɛ boda Bayuda basendji Bapaka enɔi adi Bayuda bakɛndɛli basendje palanga i bobo tine bosomba makabo ma bobo kaoka boputa puti e tepelo., 16 ko aikinaka nongo moto atombe eka ta tepelo. 17 Na bea, aimeaka bobaleha ko abalaka: «Ta makomi, Ndjakomba abalaka: "Ndako e mbi ebeamabi ndako e miongɔnɔ tine bato ba bikomi bisusu bi ngondo." Endolo ino, oimedjini etondo e baubi11, 17 Endja pongono ta Isa 56, 7; Yil 7, 11.!» 18 Bakondji ba banganga ba Ndjakomba na balehi ba mobeko aokaka bo bea, bahombaka enɔeli e bowa Yesu. Na bea, badaka na bɔɔ na nde, tine bato basusu bakamoaka na bileho bi nde. 19 Ehole e mɔmɔkɔ, Yesu na batingami ba nde baimaka ta ibonga inɛnɛ11, 19 Makomi makina: Ehole eimeaka mɔmɔkɔ, Yesu na batingami ba nde baimaka ta ibonga enɛnɛ..
Yesu na mole mo pigi mokakanake
(Endja pongono ta Mat 21, 20-22)
20 Aya busa ehuma, yana adakabo banɔe, batingami baenɛkɛ mole mo pigi mokakana mosusu mbunoko nginga. 21 Piɛlɛ asɔmbedjaka malɛno ta meako minɔkɔ ko ahɔdjɔkɔ Yesu: «Labi, endja mole mo pigi imolakedja wɛ mokakani mosusu.» 22 Yesu abalaka na batingami ba nde: edi soti «Dani na bodima adi Ndjakomba! 23 Okobea, nabali na nu: Edi soti, yona obalakabi na ikoli: "Donga ta polo yena ko sadumba ta duwa", ko amiti daa na kitɛ ta molema mo nde, endolo na edimeli meako mabalaka yo makɔmɔke, makokedjamake tina e nde. 24 Na tina emina, nabalaka na nu: losusu lohɔdjɔkɔbino ta miongɔnɔ, dimani boo obolodjini, ko miopamakabini. 25 Ko ehole emino diko tine bongɔnɔ, okada na modjɔ na mwange e wɛ, moyɛ, na bea sange e bino yona odi ta busa aoyɛkeni pongono mabe makɔi no. [ 26 Endolo omiti yɛni babinanu, sange e bino odi o diko atoyɛbini mabe makɔi no11, 26 Molɔngɔ mu te motaneame ta makomi mayou. Endja pongono ta Mat 6, 15..]»
Bokondji bo Yesu bodonga djɔɔ?
(Endja pongono ta Mat 21, 23-27; Luk 20, 1-8)
27 Bahulaka naikina ta ibonga i Yelusalɛmɛ. Yana adakabo ta ikanga i tepelo, banganga ba Ndjakomba, na balehi ba mobeko ko na basuku ba ibonga baduaka mbuti na nde.
28 Bamohɔdjɔkɔ: «Na kpatsi enda akɔkɔ na wɛ midjɔ mi? Opa kpatsi emina nda?» 29 Yesu abasɔmbedjaka: «Napalaka nohɔdjeni ihɔdjɔ imɔti; sɔmbedjanini, ko mbi notɔndeakeni kpatsi akɔkɔ na mbi meako mimina. 30 Inelo i Yoane idongaka adi Ndjakomba kaoko adi bato? Sɔmbedjanini11, 30 Endja pongono ta 1, 4-5..» 31 Endolo balɛdjɛkɛ ta tei e bobo ko basabaleanaka: «Lokasɔmbedja: "Idongaka adi Ndjakomba"; alohɔdjɔke: "Tina ndani oidimeani Yoane?" 32 Ko lokamosɔmbedja: "Idongaka adi bato..."» Badaka na bɔɔ na emumu e bato, tengasa bo basusu balɛdjɛkɛ Yoane adi soti mbaeli o Ndjakomba.
33 Na bea basɔmbedjaka Yesu: «Lotadjebaka.» Yesu abalaka na bu: «Edi bopele! Mbi pongono, nitotɔndeakeni na kpatsi e ndani akɔkɔ na mbi midjɔ mimina.»