Marcos 11

Yesu akwei ta Yelusalɛmɛ

1 Ehole eimea bo mbuti na Yelusalɛmɛ, ta ngando dji Betepadje ko na Betania, ta pamba e ngomba e mele mi Olive*11, 1 Betepadje: ngando edaka ta pamba e kaimane modaaka busa ta ngomba e mele mi Olive, ta baakilomɛtɛlɛ bakɛkɛ na Yelusalɛmɛ. Betania: ngando ekina, e mbuti na iye e boso. Ko ngomba e mele mi Olive edi ikoli imɔti idi ta pamba ekaimane modaakabusa ta Yelusalɛmɛ; egbɔtɔkɔdea na ngando enɛnɛ na ibɛngɛ di Sedɔlɔne. , Yesu aloma batingami ba nde babae, 2 ko abala na bu bo: «Kɛɛni ta ngando iyeye eɛnɛkɛdea ino boso bo bino, ehole eimedea ino iho, otaneadeani mwana o tito okabee bo ane atingi na mokɔli, moto omɔti apakina konda ta diko di nde. Motingoani ko odoeni na nde iyaya. 3 Moto omɔti akaowadjani: "Tina ekɔkɔdea nanu iboa nda"? Mosɔmbedjani bo: "Kumu akambakadea na nde, endelo amosɔmbedjadea iyaya oko edɛdiyeye."» 4 Bakɛɛ ko batanea mwana o tito okabee bo ane atingi sokolu mbuti na modipe na ndjea, ko bamotingoa. 5 Bato ibia badaaka ena babawadja bo: «Eka ekɔkɔdea ino ena nda? Otingoakadeani mwana o tito okabee bo ane tina nda?» 6 Batingami ba basɔmbedja oko mondumba mo batɔndeaka Yesu, ko baso babakina bakɛe na nde. 7 Balwɛɛ Yesu mwana o tito okabee bo ane; babakea bisendja bi bobo ta diko di nde ko Yesu akonda ta diko*11, 7 Boɛngɛ Djkl 9.9. di punda omina. 8 Bato banɛnɛ baanda bisendja bi bobo na ndjea ko bakina balenaka tape dji mele djitɔtu ta gbie*11, 8 Ondingo ta 2 Bak 9.13, edi tina etunda kaoko yobo ekandee bo ta bokumu.. 9 Bato ibia badaaka boso ko na ibia badaaka sangɔngɔ badumbeaka bo: «Odjana! Adjongoame iyona odoi na kombe e Kumu! 10 Bokumu ibua bokɛkɛ adoe bodjongoame, Bokumu bo kɔkɔ o biso Dhapiti! Odjana ta bisika binɔi diko*11, 10 Boɛngɛ Djem118.25-26.!» 11 Akwea ta tepelo e Yelusalɛmɛ. Ngɔngɔ dji nde boindja bopele mɛnɛ midjɔ misusu midaaka mbuti na nde, akɛɛ ta Betania na batingami doomi na babae modjɔ mo busa boimea mɔkɔmɔkɔ.

Yesu alakedji mole mo pigi

12 Ngɔngɔ dji busa bomɔti, ndelo ekina bo Betania, Yesu aso aoka ndja. 13 Aɛnɛ na bohali mole mo pigi modaaka na kasa, ko akɛɛ aindja singandolo mokadaa na mbuma; endelo ehole eimea iyo mbuti na mole, amotanea pɛpɛ nongo mbuma emɔti, modjɔ mo eidaaka ehole emu e bobota mbuma dji pigi. 14 Iboa Yesu abala na mole mo pigi bo: «Moto ayaketebi na ikina mbuma dji wɛ». Ko batingami ba nde bamoka.

Yesu ta tepelo

15 Aimea bo ta Yelusalɛmɛ, akwea ta tepelo ko abanga bobengana bato batɛkɛkɛ na bato basombaka leka ta esika iyena; akukea mesa dji bato basɔmbɔtɔnɔkɔ palanga ko bidie bi bato ibia batɛkɛkɛ bimbenga*11, 15 Ta esika yena: epali bobala bo ta ikanga imɔti ta tei e tepelo idaka idipoamake tina e bato ibia badaaka pɛ bodaa Bayudha. Basɔmbɔtɔni ba palanga papaka ndjea adi Bayudha badongaka sokolu bosɔmbɔtɔnɔ palanga dji bobo bɛngi basombe makabo ma bobo ko bɛngi bapute puti e tepelo., 16 ko asiaka bato ibia batombanaka leka, badae pɛpɛ bonɔnɔ ta tepelo. 17 Ngɔngɔ djimina, abaleha bo: «Ta Makomi, Ndjakomba atɔndei bo: "Ndako e mbi ebeamabi ndako e miɔngɔnɔ tina bato ba bikomi bisusu. Endelo, ino ohokodjini esabalaka e bapundji*11, 17 Boɛngɛ Isa 56.7; Yil 7.11.!"» 18 Banganga ba Ndjakomba banɛnɛnɛnɛ ko na balehi ba mobeko aoka bo iboa bahombaka mwɛngi ndani mo boowa Yesu; badaaka na bɔɔ bonɛnɛ modjɔ mo emumu e bato bakamwaka na bileho bi nde. 19 Ehole eimia busa mɔkɔmɔkɔ, Yesu na batingami ba nde bakina ngando enɛnɛ*11, 19 Ta mohombedja mokina: Ehole eimea busa mɔmɔkɔ, Yesu na batingami ba nde baimanaka ta ngando enɛnɛ..

Yesu ko na mole mo pigi mokakanake

20 Aya busa, ehole edaka bo bakanɔe, batingami baɛnɛ mole mo pigi: mokakani tii ta nginga. 21 Petelo aso alɛnɛ mɛko minɔɔmɔ, ko abala na Yesu bo: «Molehi, indja, mole mo pigi imumu molakedjakabi wɛ mokakani mosusu.» 22 Iboa, Yesu asɔmbedja batingami ba nde bo: «Daani na edhimeli ta dii Ndjakomba. 23 Naotɔndeakadeani sooti mɛnɛ bo: Ekadaa na moto omɔti akabala na ngomba bo: "Donga iyaya, kɛɛ asadumbe ta dua", ko amiti daa na kitɛ ta molema mo nde, ekahia akadhima bo modjɔ mobalakadea iyo modii bokɔɔmɔ, mokɔmɔbi oko iboa. 24 Na tina emina, naotɔndeakadeani bo: Eka esusu ewadjadea ino na miɔngɔnɔ, dhimani bo obolodjani, ko eka emina epamadea na nu. 25 Ko ndelo eemai ino diko tina e miɔngɔnɔ, okadaa na ikambo imɔti na minɔ, moyɛɛ bɛngi Sangwanu odii ta busa akutubanedje pongono pekato dji bino. [ 26 Endelo omiti yɛɛni binanu, Sangwanu odii ta busa atakutubanedjabi pekato dji kɔɔki ino*11, 26 Molɔngɔ imumu moditi ta makomi makina mayou. Boindja Mat 6.15..]»

Kpati e Yesu edongi djɔ?

27 Yesu na batingami ba nde basɔmbɔ na ikina ta Yelusalɛmɛ. Ehole edaaka iyo akɛkɛ ahombane ta tepelo, banganga ba Ndjakomba banɛnɛnɛnɛ, balehi ba mobeko, ko na basuku badoa ta dii iyo. 28 Bamowadja bo: «Okɔkɔdea mɛko imimi na kpati e nda? Oopa bokondji bo bokɔɔ midjɔ mimina nda?» 29 Yesu abasɔmbedja bo: «Naowadjakadeani iwadja imɔti; okasɔmbedjadeanini, iboa naotɔndeadeani bokondji ndani bokɔkɔdea na mbi midjɔ mi mina. 30 Batisimo ba Yoane bandonga ta busa kaoko ta dii bato*11, 30 Boindja Mal 14-5.? Sɔmbedjanini.» 31 Iboa baikoaka ta tei e bobo bo: «Lokasɔmbedjadea bo: "Ta busa", alowadjadea bo: "Tina ndani oidhimakani Yoane?" 32 Endelo lobale ngalingondo bo: "Edii bato bamoloma..."?» Na boa babangaka emumu e bato, modjɔ mo moto mosusu alɛdjɛkɛ bo Yoane adaaka motɛli mopele. 33 Iboa, basɔmbedja Yesu bo: «Iso lotadjeba.» Ko Yesu asɔmbedjaka bo: «Mbi pɛpɛ, nataotɔndeakɔdeani kpati ndani ekɔkɔdea na mbi midjɔ mi mina.»