Marcos 5

35 Ehole abalaka Yesu naikina, bato bandako e mobanei o ndako e miɔngɔnɔ baimea bamotɔndea bo: «Mwana o wɛ o mwali agwi, tina e botungea molehi naikina nda?» 36 Ekahia, Yesu aikipa mibalo mi bobo, atɔndea mobanei o ndako e miɔngɔnɔ bo: «Pɛpɛ bobanga, endelo daa oto na edhimeli.» 37 Yesu aso asia pɛpɛ moto omɔti bokɛ na nde, dongedjaka ko Petelo, Djake na Yoane, mwange Djake. 38 Baimea ta ndako e mobanei o ndako e miɔngɔnɔ. Yesu aɛnɛ mongangale, bato badaaka bayea biyo ko ba lɛbɛ. 39 Akwea ta ndako ko abala na bu bo: «Tina ndani e mongangale ko biyo bo? Mwana agwiti, awɛi hiɔ.» 40 Endelo bamosɛkɛ. Iboa, aimanedja bato basusu sokolu ko adika oto na sange e mwana, na nange e nde na batingami ibia badaaka na nde. Akwea ta esika edaka mwana. 41 Apea ebɔ e mwana ko abala na nde bo: «Talita kumi*5, 41 Talita kumi: Kombe dji bae dji alameɛ; alameɛ edaka kɔpi ebalamaka na Bayudha ta ehole e Yesu.!» Etingodjakadea bo: «Mwana mwali, naotɔndeakadea bo: sisoa.» 42 Na mbala emɔti mwana asangɔdjɔ ko abanga bodala, modjɔ mo adaaka na bianga doomi na bibae. Na mbala emɔti ibo basusu baso bakamoa bobuke. 43 Ekahia Yesu abakebedja na ngulu bo badae pɛpɛ botɔndea bato modjɔ momina, ko abala na bu bo: «Mopani miya ma boyaka.»