MATIE 15

3 Yeso obveel bɔ bubu: «Ke byɛ, otsɛn omã b’ebefel byɛ ãngel ã Nziã me ndɔɔ yi elweel onkɔɔ o byam? 4 Ke ngwel wɛ, Nziã áyɛɛn ndiri: "Lweel tal a yɛ ye ngoo a yɛ", bvool ndiri: "Mbuul wu ayɛɛn obi-obi me tal wuo me ngoo a ndɛ, àwa ndɛ etumbu ki epfu." 5 Kɛn a byɛ, byɛ ebeyiool baal ndiri mbuul okoo k’aliaal tal wuo ngoo a ndɛ ndiri: "Mɛ̃ al’olɔ mbɔɔ eluɔ ki ewa yɛ m’owuaal o yɛ. Kɛn a kyɛ ki ewa mɛ̃ Nziã kab." 6 M’emfa okyɛ, byɛ ŋ’embaal Endɔɔ e Nziã bvɛɛ, elweel onkɔɔ o byam. 7 Byɛ baal a pfuru eli! Edzayi áli y’ɔ̃dzoo wu élieel ndɛ ãndɔɔ m’ã́fi ola Nziã me ndɔɔ a byɛ, ndiri:

8 "Baal ba, abelweel mɛ̃ kɛn a m’ɔ̃nwã,

kɛn ɛ̃kwal ɛ̃ bɔ ɛ̃li lala ye mɛ̃.

9 Obuɛɛn b’ebuɛɛn bɔ mɛ̃ k’oli y’otsɛn wɛ, ke ngwel wɛ

ãndɔɔ m’ebeyiool bɔ ãli kɛn ãngel m’ébuo baal."»