3 Singimika vantuluue vaje vapua vantuluue va vusunga. 4 Nga ntuluue ali na vana cipue vatekulu, vapandele tahi kulilongesa vipangi via kutsiliela ku ntanga yavo nakukuasa visemi vavo muomu eci cikeco civuahelesa ku mesho a Njambi. 5 Nga uje ntuluue napu ua vusunga, kaha alinakuyoya lika liendi, kaha nahaka kutsiliela cendi muli Njambi na kutualelelaho nalukakateya mu malombelo vutsiki na mutania. 8 Nga umo kasa kukuasa vavushoko vendi, cikuma kuma ntanga yendi, kaha naviana lutsilielo kaha napihia kupulakana uje uakuhona kutsiliela.
Vantuluue
9 Ntuluue uje kanda ahete ha miaka makumi atanu na limo kapandele kumusoneka kupua ntuluue, nga uapuile uakushomboka ku yala umo, 14 Kaha njitonda vantuluue va vambanda vashomboke, vaseme vana, nakuniunga vinjivo viavo, keti tuhane vitozi vetu muhela linga vahandeke viavipi hali yetu. 16 Nga uoshe mpuevo muka kutsiliela ali na vavushoko vendi va vantuluue, napande kuvakuasa, linga keti cikungulukilo cikale na citeli, ngeci cikungulukilo cikuase vaje vantuluue vakuhona muka kuvakuasa.