1 ଆରେ, ଏପ୍ ବେଣ୍ଡ୍ୟା ୱେଡ଼ାଲିଂ ଜାର୍ ଉପ୍ଜାୟ୍କିତି ମୁଣିକାଂ ଏତ୍ କିୟାଟ୍; ଇନାକିଦେଂକି ବୁଡାନି ସମୁ ୱାନାତା, ଇମ୍ଣି ସବୁ ବାର୍ହୁତ ଏପ୍ ଇନାଦେର୍, ଇସବୁତ ନାଦାଂ ମୁଡ଼୍କେ ସୁକ୍ ଆକାୟ୍, ହେସବୁ ବାର୍ହୁ ଲାଗାଂ ଆନାତା । 2 ହେୱେଡ଼ାଲିଂ ୱେଡ଼ା ଆରି ଅଜଡ଼୍ ଆରି ଲେଞ୍ଜ୍ ଆରି ହୁକାଂ ମାଜ୍ଗା ଆନିକ୍, ଆରେ ବାର୍ହା ପାଚେ ଆରେରଗ ବାଦାଡ଼୍ ଆନାତ୍; 3 ହେ ନାଞ୍ଜିଙ୍ଗ୍ ଇଲ୍ କାନାକାର୍ ତର୍ହର୍ ଆନାର୍ ଆରି ବାଡ଼୍କାସ୍ ମାନାୟ୍ ନିଜେ ହାନାର୍ ଆରି ନୁଜ୍ନିକିକ୍ ଉଣା ଆତିଲେ କାମାୟ୍ତାଂ ଟେବାନିକ୍, ଆରେ ଜାଡ୍କାତାଂ ହୁଡ୍ନିକିଂ ମାଜ୍ଗାନିକିକ୍ ଆନିକ୍ 4 ଆରି ହାଜ଼ିନିପ ଦୁଆର୍ ଗେଜ଼୍ୟାନାତ୍, ହେୱେଡ଼ାଲିଂ ରୁଜ୍ନାକା ଗାର୍ଜେନ୍ ହାରୁ ଆନାତ୍, ଆରେ ପଟିନି ଗାର୍ଜେନ୍ତ ମାନାୟାର୍ ନିଂନାର୍ ଆରି ବାଜାଇହ୍ନି ଗାଜ୍କୁ ଉଣା ଆନିକ୍; 5 ଆରେ, ହେୱେକ୍ ଉଚ୍ ବାହା ବିସ୍ରେ ପାଣ୍ଡ୍ରାନିକ୍ ଆରି ହାଜ଼ିତ ବିପଦ୍ ଆନିକ୍; ଆରେ, ବୁଇଚେଣାଂ ମାର୍ ପୁଇ ଲାକେ ଆନାତ୍ ଆରି ପାମି ଜାର୍ ବଜ୍ତ ବଜ୍ ପିଣ୍ଡ୍ନି କସ୍ଟପାୟାନିକ୍ ଆରି ହୁଞ୍ଜ୍ନିତ ଜାର୍ତିଂ ଉଣାନାତ୍; ଇନାକିଦେଂକି ମାନାୟ୍ ଜାର୍ ସବୁଦିନ୍ନି ବାହାତ ହାନାର୍ ଆରି ଆଡ଼୍ବାନାକାର୍ ହାଜ଼ିତ ବୁଲାନାର୍; 6 ହେୱେଡ଼ାଲିଂ ରୁପାନି ଡରି ଗାଣ୍ଡ୍ରା ଗାଣ୍ଡ୍ରା ଆନାତ୍, ହନା ତାଡ଼ିଆ ଡ୍ରିଂନାତ୍, ଚିକ୍ଲା ତାଡ଼ିଆ ଏସ୍ଜଡ଼ି ଲାଗାୟ୍ ବିରାନାତ୍ ଆରି କୁଇନି ଚାର୍ବେଣ୍ତାକା ଡ୍ରିଂନାତ୍; 7 ଆରେ, ଦୁଡ଼ି ଆଗେ ଲାକେ ଚିକ୍ଲାତ ମେହାନାତ୍, ଆରେ ୱାସ୍କିହିଦ୍ନି ପର୍ମେସ୍ୱର୍ତି ଲାଗାୟ୍ ୱାସ୍କି ମାସ୍ଦି ହାନାତ୍ । 8 ହିକ୍ୟାହିନାକାନ୍ ଇନାନ୍, ବେକାର୍ନି ବେକାର୍, ୱିଜ଼ୁ ନେ ବେକାର୍ ।
ହାରିହାରାନି କାତା
9 ଆରେ, ହିକ୍ୟାହିନାକାନ୍ ଗିୟାନି ଆତିଲେ ଲକୁରିଂ ନିତ୍ରେ ଗିଆନ୍ ହିକ୍ୟା ହିତାନ୍; ଆରେ, ହେୱାନ୍ ବାବିକିଜ଼ି ଆରି ଡେକ୍ଚି ବେସି ହାର୍ଦିହିକ୍ୟା ଇସାପ୍ରେ ଜାତୁନ୍କିଜ଼଼ି ଇଡ୍ତାନ୍ । 10 ହିକ୍ୟାହିନାକାନ୍ ମାନ୍ତହାନି ବଚନ୍ ଆରି ଇନାକା ହୁଦାର୍ ବାବ୍ରେ ଲେକାତାତ୍, ହେ ହାତ୍ପା ବଚନ୍ ପାୟାଦେଂ ଡେକ୍ତାନ୍ । 11 ଗିଆନିର୍ତି ବଚନ୍ ସବୁ ତିତ୍ରି ଲାକେ ଆରି ସବାପତିର୍ ବଚନ୍ ଆଟ୍ୱାନି ଲୱା କୁଟି ଲାକେ, ହେଦାଂ ସବୁ ରୱାନ୍ ପାଲକ୍ ହୁଦାଂ ହିଦ୍ୟାତାତ୍ନା । 12 ଆରେ, ଏ ନା ମାଜ଼ିର୍, ଏପ୍ ହିକ୍ୟା ମାନ୍ତ ଆହା; ବେସି ପତି ରଚନା କିନାକା ୱିଜ଼ୁତ୍; ଆରେ, ବେସି ହିକାନାକା ଗାଗାଡ଼୍ତ ୱାହ୍ନାକା । 13 ହାରିହାରାନି କାତା ଇଦାଂ; ସବୁ ୱେନ୍ୟାତାତ୍ନା; ପର୍ମେସ୍ୱର୍ତିଂ ପାଣ୍ଡ୍ରାଆଡ ଆରି ହେୱାନ୍ତି ବଲ୍ସବୁ ମାନି କିୟାଟ୍; ଇନାକିଦେଂକି ଇଦାଂ ନେ ମାନାୟ୍ତି ପୁରା କିନି କାମାୟ୍ । 14 ଇନାକିଦେଂକି ପର୍ମେସ୍ୱର୍ ସବୁ କାମାୟ୍, ଆରେ ହାର୍ କି ବାନ୍ୟା ସବୁ ଡ଼ୁକ୍ତି ବିସ୍ରେ ବିଚାର୍ତ ତାହିୱାନାନ୍ ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)