8 ହେଦାଂ ହେ କଗ୍‌ଲେ ତାଂ ଜାର୍ ହାଜ଼଼ି ଦେହା ଇଟାଟ୍ ଆରି ତା ଇଲ୍‌ନି ଦୁୱେର୍ ଲାଗାଂ ହାଲ୍‌ମାଟ୍ । 9 ଇନେସ୍‌କି ଏପେଙ୍ଗ୍ ବିନ୍‌ନିକାର୍‌ ଜାର୍ ଇଜତ୍ ପାୟାନାର୍ ଆରି ହୁଦାର୍ ମାନାୟ୍‌ତିଂ ଜାର୍‌ତି ଜିବୁନ୍‌ ହାନାତ୍‌; 10 ଇନେସ୍‌କି ଜାଣାହିଲ୍‌ୱି ମାନାୟାର୍ ନି ବପୁତ ବାର୍ତି ଆନାର୍ ଆରି ନି କାମାୟ୍‌ନି ପାଡ଼୍‌ ବିଦେସିର୍ ଇଞ୍ଜ ଇଟ୍ୟା ଆନାତ୍; 11 ଆରେ ଏପେଙ୍ଗ୍ ହାନି ଅବସ୍ତାତ ଏଚେକାଡ଼୍‌ଦ ଏପେଙ୍ଗ୍ ଜେଇ ଆରି ଗାଗାଡ଼୍‌ ନାଦାର୍‌ ଆନାତ୍, ଏପେଙ୍ଗ୍ ଇନେସ୍‌କି ଆଡ଼୍‌ବାନାଦେର୍‌, 12 ଆରେ ଇନାଦେର୍, ଆନ୍ ହାର୍ଦି ହିକ୍ୟା ଇନେସ୍ ଗିଣ୍ କିନାଙ୍ଗ୍ ! ଆରେ, ନା ମାନ୍ କେତ୍‌ନାକା ଇନେସ୍ ବେକାର୍ କିତାନ୍‌ ! 13 ଆନ୍ ଜାର୍ ମାସ୍ଟରାର୍ କାତା ମାନିକିୱାତାଂ ଆରି ଇମ୍‌ଣାକାର୍‌ ନାଙ୍ଗ୍ ହିକ୍ୟା ହିତ୍‌ତାର୍‌, ହେୱାର୍‌ତି ବଚନ୍ କାଜିଂ ଜାର୍ କିତୁଲ୍‌ ୱେନ୍‌ୱାତାଂ, 14 ଆନ୍‌ କୁଟୁମ୍ ଆରି ମଣ୍ଡ୍‌ଲି ବିତ୍ରେ ଇଚିସ୍‌ ସବୁବାନି ଆବ୍‌ଡ଼଼ୁତ ପଡ଼଼ାତାଂ ।