1 Cu kingnei lu RAMPAUBE kerang de,

"Cuhlu delwe nnui sam kie de lamlwatudung dwa gade rang gailo;

Peu hangdeutudung de n kwa siulu.

2 RAMPAUBE zaidung de kingneilu, nnui lamlwatudung

nah nnui kideu lungbammui keladung.

RAMPAUBE pe mina da hezai tei pwa kebamne,

nah pa Israel de mmau eh tutiak bam gade regi zie."

3 "A mina, Ih nnui da daitei di dino?

Dainzwa Ih nnuide tei leu di no?

A zierang teilo!

4 Ih nnuide Egyptme deu gade ngngwa mpetlu

nah nnuide mibaang ketei ki gade kelilu.

Ih Moses, Aaron nah Miriam de nnui puisau tei kera langgai.

5 A mina, Moab gwangpei Balak daipai riem gaibi kecu nsunglu,

nah dainzwa Beor napei Balaam pe sam keligai bi kecu

nnui Shittim gade tet eh Gilgal ga kegwang nzwa,

ciu de nnui RAMPAUBE masang eh tei kegaidung de cilu zie."*

6 Ih daipai RAMPAUBE de teugwang beu lai,

Ih kengkieng Tinggwang da keumie kecu dau?

Ih peda keru ratakdung teu gwang zie mi,

hetumna mmi ge nage lai?

7 RAMPAUBE meurünseu pecang ge le,

mede olive ca reukidung cang kerei le pesuilu zie ni?

Ih a mau ziemne a neraibe de,

a mau ziemne a pum gade petsi de peu zie ni?

8 Minadung, pa daipai be yibi

nnuide rang lia da,

nah RAMPAUBE nnui dade luu neu kela de au:

Kemzeube tei kera,

keku masang kecu,

nah hena eh nnui Tinggwang de ngngwa tetlu.

9 RAMPAUBE Jerusalem namdi de ranglia bam,

cu de maci n zi de herüt peu bam,

"saulia tui de siulu,

nah pebam gage kai kebeube de de.

10 Mina kesiame cide masang kemakme kidung ga mahei bam,

Nah petau kemak kemdetdung cide au kemneudung.

11 Mige pa kecwa kemdet teu la liecai pecu petaulie lubui ni, kecwa kemdetkangdung dum le puipung?

12 Keheimedung au mide teikeherei kela le pui,

cika kebammedung au kenretdung rang la,

nah penui mleu penui mui ga kebam de au mide cwa la.

13 Ciziemne Ih nnuide sia süt kecu cui ge le tei nggah dizie,

nah nnui maudung ziemne Ih nnuide tei ngkap dizie.

14 Nnui matyei zie dede nggei gailak;

nnui mlung cang mene bam dizie.

Nnui mania kainzeu zie dede kai nzeu gailak,

nah nnui keli kelube Ih kiengtie de peu dizie.

15 Nnui ling zie dede rum lak;

nnui olivedung tui zie dede maca le

nnuikatei nnuide keniak gailak;

nnui kubetsidung tui zie dede aipau zau de sak lak.*

16 Hegwangpei Omri ne hezai tei keludung de kai nzeu,

nah Hegwangpei Ahab leuhme tadung pelane.

Nnui penui rang kegai ga tet.

Cine Ih nnui, namdi, de tei msia kedi ge dizie,

nah nnui cika lungh kebamme mina ngkau tei zie,

nah nnui a minadung nnuide rang kemsia de lia zie."