1 Israel, nnui Tinggwang RAMPAUBE da cailigwang lulo,

nnui mau ziemne nnui kaudi kecune.

2 RAMPAUBE da cailigwanglu delwe kielu.

Pedage ranglu, "Anui mau pelane keugi dilo nah keyibe leu luu lulo,

iciude anui muileu ga ketwa pwa ncu reca beulu kerane.✝

3 Assyria anuide kelilu gailak;

anui hekwenpung lwe hereu ga mielak.

Mede anui anui ba le teikelu mamiedung de,

‘Nnui au anui rabe,’

pe pei kegahme n dade ngaugia ngau lula," de rang silak,

4 "RAMPAUBE ranggai, Ih penui nreutet kedide teingkei beuzie;

Ih penuide hung süt zie,

penui dade a rata nreu tet kedine.

5 Ih Israel dade hezin ge nzwa zie;

pa teizuine pa nzwa pa zie

nah Lebanon ga cedar nzwa pe mah him luzie.

6 Pe kiakdung nzangpet zie;

pe zuyi au olive bangdung nzwa zie,

nah pe riemkeyi au Lebanon ga cedar bangdung nzwa zie.

7 Mina pe miekang ga kelunghme cailigwang zie;

penui hereibang nzwa pa zie

nah kubebang nzwa pa zie.

Pe nsa keyi au Lebanon zau nzwa zie.

8 Ephraim, Ih mamiedung teu daitei si laino?

Ih pe sam keli zie nah pe mapie luzie.

Ih au Cypress pe neidung ndiak bam mui kelabe nzwa;

a dade n tsi gwangla."

9 Cau maci bam no pa ma cidungde cilu kera?

Cau aidungde ci no iciu eh pa cidung cilu kerane?

RAMPAUBE lampuidung au mzui lie,

nah masang kelame cidungde ga tet ziee,

dede malai kelame cidungde ga mrap eh kau dizie.