1करिन्थ 15

3 तियाहाज काजे आंय आखाम रोत पेल तेज गोठ तुमुहूं पोताड़ी देदी, जे माआं जागेहे पोतीते, तिहींमेएं जास्ती कामोअ गोठ ए होय के, पवित्रशास्राम लेखल्या वसनोअ परमाणे ख्रिस्त आपाआ पापोअ काजे मोइत गोयू.✝15:3 यश 53:5-12 4 आन तियाहा डाटी देदू; आन पवित्रशास्राम लेखल्या वसनोअ परमाणे तो तीन दिहोम फाशुउ जिवीत बी उठ्यू.✝15:4 भजन 16:8-10; मत्तय 12:40; प्रेशित 2:24-32 5 आन केफाहा तिहीं रोत बारा प्रेशितोहों देखाअयू.✝15:5 लुक 24:34,36; योहान 20:19 6 तिहींइं फासाड़ी तो पास होवो रोत बी जाअखा पाव्हीइलाहां एकवाऱ्युज देखाअयू. तिहीं मेर्‍येए वार जोएं ओमें जाआं जिवतेज होय, पोन थोड़हे मोइत गोये.