1 Coríntios 6

ख्रिस्ती माअहोंअ विरुद्दाम कोर्ठाआ केस

1 जेहेलाम तुमामेहें एकदा विश्वासीइरी भान्गड़ ओय, ताहां ते भान्गड़ मिटाड़ीलाअ कोअते, बिगर विश्वासी न्यायाधिशोअ सामने लेत जाअलोअ हिम्मत काहा कोअतेहे. 2 देवोअ माअहें दुन्याआं न्यायनिवाड़ु कोअनारे होय, ओं तुमुहूं नाहां मुंदू के? आपू जर दुन्याआं न्यायनिवाड़ु कोअनारा होय, ताहां एहेलिही हानी गोठीइ न्यायनिवाड़ु कोइलोअ लायक कायनाहां के? 3 आपू देवदुतोंअ न्यायनिवाड़ु कोअनारा होय, ओं तुमुहूं मुंदू होय ना? ताहां दुन्यादारीइ गोठीइ न्यायनिवाड़ु काहा नाहां कोइत सेकता? 4 जर तुमुहूं दुन्यादारीइ गोठी डेवीइली ओय, ताहां मंडड़ीमेहें जियांआं कीज किंमत कायनाहां, एहेला माअहुंहूं न्यायनिवाड़ु कोए तेहें काहा बोहाड़ताहा? 5 आंय तुमुहूं लाज आवेतेहें काजे एहें कोहो, विश्वासी पायहोंमेहें न्यायनिवाड़ु कोए एहेलुहू तुमामेहें एक जोओं बी कायनाहां के?