1 देवोअरी काम कोअनारा आमू बी तुमुहूं विनंती कोअताहा के, तुमू देवोअ मेरवानी स्विकार कोअयीही ते वाया मा जाअहूं देहा. 2 काहाके तो कोहे के,

"जाहां माआं खोरी वेल आयी,

ताहां आंय ताआ गोठ उनाअयू;

जाहां माआं वेल आयी,

ताहां आंय ताहूं मदत कोअयी."✝6:2 यश 49:8

पाला! आज ते खोरी वेल आवित लागीही, आज तो वासाड़ीलोअ दिही आवित लागुहू!

3 आमाआं सेवापोअ कोडो बी आरोप ने लागाड़ुहूं जोवे कोत आमू कोड्लीज गोठीमेहें कोडाहाज अड़सन नाहां टाकता. 4 पोन आखी गोठीमेहें देवोअ सेवकोंअ होस आमू सोताआ हाजा गुण देखाड़ताहा, वोडी हिम्मतो वाअहीं, तारासो वाअहीं, गरीबी वाअहीं, अड़सनी वाअहीं, 5 मार खाअलोअ वाअहीं, जेलेम जाअलोअ वाअहीं, दोंगा वाअहीं, वादार मेहेंनत कोइलो वाअहीं; जागता रोअलो वाअहीं, उपास कोइलो वाअहीं, 6 सोकायीवाअहीं, ज्ञानोवाअहीं, धिर खेटीइलो वाअहीं, माया कोइलो वाअहीं, पवित्र आत्मावाअहीं, खरी मेरेवाअहीं, 7 खोरा शब्दावाअहीं, देवोअ सेक्तीवाअहीं, हाजाड़ी-बांगाड़ी वोलेहे धर्मी सोभावोअ आथार्‍ये आथोमेहें लेत कोइत, 8 मानपानो वाअहीं आन बदनामी वाअहीं, खाराब नाव आन हाजा नावोवाअहीं आमुहूं ठोगोअ होस मानतेहे, पोन आमू खोरा होय. 9 आमू ओजाण्याआं होस होय, तेबी नावासी होय; मोअनाराआं होस होय, तेबी आमू जिवताज होय; आमू मार खाताहा, तेबी नाहां मोअता; 10 आमू दुखी ताहराआ ओवताहा, पोन तेबी खुसीम रोताहा; आमू कांगाल जेहें होय, पोन तेबी जाअखीला जोओंहों मालदार बोणावी देताहा; आमापोअ कीज कायनाहां एहेलाहा देखाअताहा, तेबी आमापोअ आखोज होय.

11 ए करिन्थवाला दोस्तां! आमू तुमाअरी खुल्लाम खुल्ली गोठी कोअयीही, आमाआं मोन खुल्लो होय. 12 तुमाआं वोतीइ आमाआं मोन खुल्लो होय, पोन तुमाआंज मोन खुल्लो कायनाहां. 13 आंय माआं पोर्‍ये होमजीत तुमुहूं कोहो के, तुमू बी तुमाआं मोन उगाड़ा.

14 विण विश्वासीइरी होमसू ने खाय एहला जुहरोम मा जुपाअहा, काहाके धर्मी आन पापीइ कि सबंध? आन उजालो आन आंदारो कि कोइत एकीज जागे बेसकात सेकेहे? 15 आन ख्रिस्त आन बलियाल*6:15 बलियाल ख्रिस्त विरोधी नेहें की कोइत एक मोन ओत सेकताहा? आन विश्वासीइरी विण विश्वासीइ कि नातो? 16 देवोअ मंदिरोअरी मुर्तीइ कि सबंध? काहाके आपू तोम जिवता देवोअ मंदिर होय; जेहलोहो देवे कोयोहो,

"आंय तियांमेहें वोहती कोअहीं

आन तियांमेहें सालीहीं फिरीहीं;

आंय तियांआं देव ओविहीं

आन तें माआं माअहें बोणे."✝6:16 लेवी 26:12; यहे 37:27; 1 करिन्थ 3:16; 6:19

17 तियाहा कोत प्रभु कोहे,

"तियांमेहें रोत तुमू निहां,

आन आलांग रोवा;

आन एठी वस्तुहू आथिलहा मा,

ताहां आंय तुमाआं स्विकार कोअहीं;✝6:17 यश 52:11

18 आन आंय तुमाआं आब्हू बोणिहीं

आन तुमू माआं पोर्‍ये बोणहां,

ओं आखाम रोत वोडी ताकतवाला देवोअ शब्द होय."✝6:18 2 शमु 7:14; 1 इति 17:13; यश 43:6; यिर्म 31:1