Daniel 1

शार जुवान नबुकदनेस्सरोअ राजसभामेहें

1 यहुदाआ राजा यहोयाकीमोअ सालतीइ तिसरा वोरह्योम बाबेलोअ राजा नबुकदनेस्सरे येरुसालेमोहों केंडवारीत लेदोन लड़ाय कोइलोअ तियारी कोअयी.✝1:1 2 राजां 24:1; 2 इति 36:5-7 2 ताहां प्रभु देवे यहुदाआ राजा यहोयाकीमोहों आन तियाआ होयरोहो नबुकदनेस्सरोअ आथोम होपी देदो. नबुकदनेस्सर यहोवा देवोअ मंदिरोअ थोड़हा सोका बासनोपोअ बी आधिकार लेत लेदू, आन तो तियां बासनोहों शिनार देसोमेर्‍याआ तियाआ देवताआ मंदिरोम लेत जातु रोयू. आन तियां बासनोहों तियां देवताआ कोअमेहें मिकी देदे.✝1:2 उत्प 10:10

3 ताहां तिये राजे इस्राएली राजपरिवारोम आन हाजा नावलाअला माट्योमेहें रोत एहेलाहा वार जुवान्याहां लेतावे तेहें काजे तियाआ आधिकाऱ्योअ मुख्या अश्पनजोहो आदेश आप्यु. 4 ते जुवान निर्दुस, देख्याम बाहरी होबात्लाहा आन आखी गोठीम कोड़ाअला, आन बुद्दी वाअहीं पोआला आन जाणकार रोअहूं जोवे. ते राजमाहालोमेहें सेवा कोअहूं जोगाहा जोवे, आन तियांहां खास्द्याआं शास्र आन बाशाआ हिकवण आपाअहूं जोवे.✝1:4 2 राजां 20:17,18; 24:10-16; 2 इति 36:10; यश 39:7,8 5 ते पोहाअता रोअहूं जोवे काजे राजा तियाआ रोटू आन पीइलाआ दाराक्शाआ रोहो*1:5 दाराक्शाआ रोहो दाराक्शाआ माणू रोहो. तियांहां तिन वोरह्ये जाआं आपीइलोअ आदेश आप्यु, तिहींइं फासाड़ी तियांहां राजाआ सामने हजर कोअहूं जोवे. 6 तियांमेहें यहुदाआ कुलोअ निवड़ीइल्या दानियेल, हनन्या, मिशाएल, आन अजऱ्या नावोअ यहुदी ओता.