योहान 20

11 पोन मरिया रोड़ती रोड़ती कबरेए आहनेज बारथे उबी रोयी, आन रोड़ी-रोड़ीइ कबरेमेहें उसावित पाल्यो, 12 जिहीं ईसुउ तोड़ मिक्योतो तिहीं उजले आंगड़े पोवित कोइत बेन देवदुतोहो एकाहा मुंडोअहें आन एकाहा गुडाअ वोलेहे बोहीत रोल्या देख्या.

13 तियां तियीही कोयो, "ए बाय, तू काहा रोड़ेहे?"

तियी तियांहां कोयो, "ते माआं प्रभुहू आखलीत लेत जाते रोये आन माहूं नाहां मुंदू के तियाहा का मिक्युहू."

14 ओं कोत कोइत ते फासाड़ी फिर्‍यी आन ईसुहू उबू रोल्यू देख्यू, पोन ने ओलख्यु के ओ ईसु होय.

15 ईसु तियीही कोयो, "ए बाय, तू काहा रोड़ेहे? कोडाहा होदेहे?"

तियी बोईं बोगिसाअ राखवाली समजीत कोइत तियाहा कोयो, "मालिख, जर तुमू तियाहा लेत गोयेय ताहां माहूं कोत द्या, तियाहा का मिक्युहू, आन आंय तियाहा लेत जाहीं."

16 ईसु तियीही कोयो, "मरिया!" ते फासाड़ी फिरीत कोइत तियाहा इब्रीमेहें कोयो, "रब्बुनी!" मोन्ज्ये "गुरुजी"

17 ईसु तियीही कोयो, "माहूं आथ मा लागाड़ही, काहाके आंय ओमे जाआं देव आब्हाआ जागे उसे नाहांजी गोयू, पोन माआं पायहोंअ जागे जात कोइत कोत दे, के आंय माआं देव आब्हू आन तुमाआं देव आब्हू, आन माआं देव आन तुमाआं देवोअ जागे उसे जाहो."

18 मरिया मग्दालिनी जात कोइत सेलहांहां कोयो, "आंय प्रभुहू देख्यू, आन तिये माहूं ए गोठी कोयी."