Lucas 1

59 आन फाशोअ एहेलोह ओवो के, आंठवा दिहो पोअ पोऱ्याअ खतना*1:59 खतना मोन्ज्ये यहुदी माअहोंअ एक हातो काडीइलोअ ईसाब होय, जो पोर्‍याआ जल्म ओवे ताहां आंठवा दिहोम कोअत्ले. कोइलाअ काजे तें तिहीं आये आन तियाआ आब्हाआ नावो पोअ तियाआ नाव जखर्‍या मिके वोल्‍ये.

60 पोन तियाआ आयही उत्तर आप्यो, "नाहां! याआ नाव तोम योहान मिकुहूं जोवे."

61 तियां तियाहा कोयो, "पोन ताआ कोऱ्याअ माहूंमेहें कोडाआज ओं नाव कायनाहां!"

62 ताहरेए तें तियाआ आब्हाहा इशारु कोइत फुशो के तु याआ नाव कि मिकुहूं कोअहे?

63 जखऱ्ये लेखीइलाअ पाटी मागीत कोइत लेखी देदो, "तियाआ नाव योहान होय," आन तिहीं वाअहीं तें बादे बोगलात गोये.

64 तेताजमेहें ताबुड़ तियाआ सोब उगड़ीत गोयी आन तियाआ आवाज निहूं वोल्यू, तो गोगु वोल्‍यु आन देवोअ स्तुती कोउ वोल्‍यु.