1 ईसु तियाआ सेलाहां नाराज ने ओवुहूं जोवे पोन सादाज प्रार्थना कोअया कोअहूं जोवे कोते, एक काईं कोत देखाड्‍यी. 2 तिये कोयो, "एका होयरोमेहें एक न्यायाधिश रोतुतो. तो देवोहो बी ने बितुतो, आन माहुंहूं बी मान ने आपतुतो. 3 तियाज होयरोम एक रोंडोअ बाय रोतीते, आन ते कायम न्यायाधिशोअ जागे आवित कोइत कोतीते के, ‘माआं विरोध अन्याय कोअनाराआं विरुद्दाम माहूं मदत कोअ!’ 4 ताहां वारुज तावणी जाआं तो न्यायाधिश ने मान्यू, पोन आखरी पोअ मोनोम विसार कोअयू, ‘आंय ने देवोहो बित्लू, के ने माहुंहूं मान आपत्लू, 5 तेबी यी रोंडोअ बोईं माहूं ओसवी देदुहू, तियाहा काजे आंय तियीइ हक्काआ कि होय तो पालिहीं, जर आंय ने कोओ ताहां, ते माआं जागे ताल-ताल आवित माहूं ओसवे.’"

6 ताहां प्रभु कोयो, "उनाआ खाराब न्यायाधिश कि कोहे. 7 ओमे, देव तियाआ निवड़ीइल्या माअहूं पोअ ध्यान ने देय के? जे तियाआ जागेहे रातेन दिही रोड़तेहे, केहें तो तियांआं मदत कोइलोअ काजे वाआ लागाड़े? 8 तुमुहूं आंय कोहो, तो तियांआं न्याय मामार कोए, पोन तेबी माहुंउं बेटाह्हाहा यी धरती पोअ विश्वास पालुहूं जोड़े के?"