Marcos 10

आंद्ला बार्तीमायोहो ईसुउ नजरदान

46 ते यरीहो गांवोंमेहें आया, ताहां ईसु आन तियाआ सेला, आन एक वोडी गोरदी यरीहोम रोत निहींतीते, ताहां तिमायाआ पोर्‍यू बार्तीमय, एक आंदलु भिखारी, सडकेए मेरे बोठुतो. 47 तो ओं उनाइत कोइत के ईसु नासरेथकर होय, आअड़ी आअड़ीइ कोनु वोल्यू, "ए दाविदोअ पोर्‍या, ईसु मा पोअ दया कोओ!"

48 जाअखीलेहे जोएं तियाहा बावराअये के ठावकुज रोय, पोन तो जाअखुज आअड़ू वोल्यू, "ए दाविदोअ पोर्‍या, मापोअ दया कोअ."

49 ताहरुउ ईसु उबू रोयू आन कोयो, "तियाहा हादा."

ताहरेए माअहें तिया आंदलाहा हादीत कोइत कोयो, "हिम्मत राख! उठ! ईसु ताहूं हादेहे."

50 तो तियाआ साअको टाकीत कोइत मामार उठीत उबू रोयू, आन ईसुउ जागे आयू.

51 ईसु तियाहा कोयो, "ताआ कि इश्शा होय के आंय ताआ काजे कोअ?"

आंदले तियाहा कोयो, "गुरु, आंय फाशुउ देखीत सेको."

52 ईसु तियाहा कोयो, "जातु रो, ताआ विश्वासे ताहूं हाजू कोइ देदुहू."

तो ताब्बुड़ पालु वोल्यू, आन सडके पोअ ईसुउ फासाड़ी जानु वोल्यू.