MATAYO 7

Mahazo ya kuemeza kuwaamuia watuhu

1 "Msekuwaamuiiya watuhu, msekweza na nywie mkaamuiiwa. 2 Kwaviya mwendavyomuwaamuiiye watuhu nee ivyo na nywie mwendavyomuamuiiwe, na kihimo kiakia muhimiacho watuhu nee icho mwendachomuhimiwe. 3 Kwambwai waona kibasi mwe ziso da nduguyo na ahoaho khuona basi mwe ziso dako? 4 Hambu wadaha viivihi kumwamba nduguyo ‘Mwaya eka nikuuse iki kibasi mwe ziso dako kisingi wee mwenye una basi mwe ziso dako?’ 5 Mbakha wee usa basi deumo mwe ziso dako naho ndiho wendahoudahe vitana kuusa kibasi mwe ziso da nduguyo.