Mlimbilane mitima ni kuthangatilana
1 Abale wanga ngati mkamwona mundhu fulani walakwila, basi anyiimwe mchogozedwa ni mzimu wa Mnungu muonyeni mundhu mmeneyo wasiye vichito vake, nambho mchite chimwecho kwa upole, mku ni mjhipenyelela dala mwachinawene simdalowa mmayeso. 2 Mthangatilane anyiimwe kwa anyiimwe kwakuchita chimwecho simkwanilichwe thauko la Kilisito. 3 Mundhu waliyonjhe wakajhiona kuti iye ni wamate, nikumbe osati wamate wajhinyenga mwene. 4 Nambho kila mundhu wajhipenyecheche mwene. Ngati ivo wavichita ni vabwino pamenepo siwakhale ni ndande ya kujhidama mkati mwake ni asati mkati mwa mnjake. 5 Pakuti kila mundhu siwalangidwe kuchokana ni vichito vake.