João 11

21 होकाम मार्ठाये येसुलाई हैओडोव, "प्रभु, नङ आकं नलेखिन्के ङाभाइ मासि हो। 22 आबो पनि ङा ङासंन, नङ परमेस्वरसं जो ननिः, परमेस्वरये नङलाई यानेले।"

23 येसुये नोलाई हैओडोव, "नभाइ फरि ज्युङडा टानेले।"

24 मार्ठाये येसुलाई हैओडोव, "ङा ङासंन, नो आखिरला ज्युङडा टाने डिनलं फरि सिवलाम ज्युङडा टाडे सोनेले।"

25 येसुये नोलाई हैओडोव, "सिवलाम ज्युङडा झैने सोनो जीबन ङाज़ ची। ङालाई बिस्वास डाने उसिनि पनि ज्युङडा टानेले। 26 होसोनो ङालाई बिस्वास डाडे बान्चिने मी खर्कज़ सिने माले। होकाम नङ आवरोः बिस्वास नोडो?"

27 मार्ठाये येसुलाई हैओडोव, "अँ प्रभु, ङा बिस्वास ङाडो, नङ प्रिठीबीला राने परमेस्वरलो ओज़ा ख्रीस्टज़।"