युहन्ना 20

14 आडङ हैवार्डे नो उझिन्डे ओवलो, होकाम नोये येसुलाई च्याङसिडे उलिज़्याव ओरोःङो, हैनि पनि नो येसुज़ वार्डे मासरेवये। 15 येसुये नोलाई हैओडोव, "ए मेमा, नङ कडाने नघरज़्याव? काङ्कालाई नखिम्ज़्याव?"

नोये येसुलाई बगैचा रःङने मी ची वार्डे हैओडोव, "ए प्रभु नङ येसुलाई आलाम नलाङो टावसं, काङं नैडे ननैज़्याव ङालाई हैडाङ, होकाम ङा येसुलाई लाङने ङाले।"

16 येसुये नोलाई हैओडोव, "मरियम!"

नोये वोल्डे येसुलाई हिब्रुङाम हैओडोव, "रब्बोनी," "ए गुरबा!"