João 8

4 नोराई येसुलाई हैयाडोव, "गुरबा आव मेमा ब्यभिचार ओडोज़्याकं ओक्योसिव। 5 न्यामटं ऐटावरंलाई लुङये झोम्ने आग्या मोसाये गेलाई याडेनैसिव। नङ आवलो ओबारेलं कै नवार?"✝८:५ लेबी २०:१०; न्याम २२:२२-२४ 6 नोराई येसुलाई जान्चीने सोनो येसुलाई आरोप लैसिडु सै वार्डे ऐ यावारो। होकाम येसुये घोम लेडे नामलं उकुइसैये ओसोरो। 7 नोराई येसुलाई पजोयोका-पजोयो याझोयो, होकाम येसु ठ लेडे च्याङसिडे नोरंलाई हैओडोवरं, "जे भरिलाम जोये खर्कज़ पाप ओडोव माले, होये आव मेमालाई ङाडे लुङये ओझोमोकं।" 8 होकाम येसुये फरि घोम लेडे उकुइसैये नामलं ओसोरो। 9 नोराई आवरोः याठोयो, होकाम सेःरङाम टोबोनि टोबो आलिज़ा समं स्यान्टै यानाव, होकाम येसुनि नो मेमासं नेबाठङ राःडे याख्यानोयोरं, नो मेमा येसुलो ओङाःकं च्याङसिडेज़ ओलेव। 10 येसुये नो मेमालाई ठ लेडे रःङडे हैओडोव, "ए मेमा, नोरं कान्डे यानाव? कडा काङ्कायेज़ नङलाई सजै मायानरंये?"

11 नो मेमाये हैओवारो, "प्रभु, काङ्कायेज़ मायाङरंये।" येसुये हैओडोव, "ङा पनि नङलाई सजै ङामयान। गनानके फरि पाप टाडो।"]*८:११ कोइ पुरानो कुइये सर्सिव कितापयालं आव खन्ड छुटं पोलं नैसिव ले