Lucas 1

34 मरियमये स्वर्गटा कटंवाललाई हैओडोव, "एटाव कैजैडे टा ड, कडालेकं ङा के टोबो कन्या ची।"

35 स्वर्गटा कटंवालये होलाई ऐवार्डे जबाफ ओयोव, "चोखो आत्मा नङ लेवटं रानेले, होकाम स्यान्टैराई भन्डा घ्योव परमेस्वरलो ओसक्तिलो ओछाँयाये नङलाई छुनेले, हैजैडे जो जर्मिनेले, होलाई चोखो सोनो परमेस्वरलो ओज़ा डोनेलेरं। 36 ठै, नङ ननाता परिने एलीसिबाये बड्डि टाडे पनि खेपाज़ा डैनेलिज़्या, जोलाई मीराई बान्जिनी याडोज़्याव, आर्क होलो उफुलं छ महिनाका गर्भ लिज़्या। 37 कडालेकं परमेस्वरये ओमडोडुवं कडि रोःज़ माले।"

38 होकाम मरियमये हैओडोव, "अँ, ङा स्यान्टैराई भन्डा घ्योव परमेस्वरलो ओकमार्नी ची, ङालाई नङ हैनडाङो स्यानाव ओटाकं।" होकाम हो स्वर्गटा कटंवाल मरियम लेवकाम ओनाव।