Lucas 21

मानवालो ओज़ा राने

25 "निमी, स्यावैँ सोनो सोरोयालं चिन्नरं रःन्नेले होकाम समन्डरलो ओगा सोनो ओछल्काराई प्रिठीबीला स्यान्टै डेसरं अप्ठारोलं परिडे आत्तिने लेरं। 26 सङसारला टारिज़्याव घटनालो सङ्खा डैडे मीरं याछ्यासैये याचेटं माःनेले, कडालेकं नम्टा सक्तिरं खल्बलिने लेरं। 27 होकाम मानवालो ओज़ालाई सक्ति सोनो घ्योव ओमहिमासं बाडलटं ओराज़्याव नोराई रःङनेलेरं। 28 आव रोःरं पुरा याटारिकं च्याङसिडे जेङैः छेन्डे भाल्सिच्यो कडालेकं जे आव रोःटाम चानोज़ हाइसिने जेले।"