लुका 7

येसुये रान्डिनि मेमालो ओज़ालाई ज्युङडा ओझोयो

11 नोलो ओपराटि छ्याम येसु नाइन वार्ने नाङखारलं ओनाव, होकाम येसुलो उसिसरं सोनो बनै भ्या माहुले मीरं येसुसं बोलोङ यानाव। 12 येसु नाङखारलो झला येमकं केनाडे उलिज़्याकं, टोबो रान्डिनिलो टोबो याज़ ओज़ालो ओमोरो यालाङज़्याव। नाङखारला बनै भ्या माहुले मीरं नोसं यालिज़्याव। 13 प्रभुये नोलाई ओरोःङो होकाम नोलाई उयुङ नाडे हैओडोव, "टाघर्ङन।" 14 होकाम येसु ओछ्योकं नाडे मोरो झासिव लो उछुव, होकाम मोरो घुर्नेरं ठन याअडिव। येसुये ऐओवारो, "ए ढापा मी, ङा नङलाई हैङाडान्ज़्या, ‘गोसोङनके।’" 15 होकाम नो सिव मी सोडे चुङडे ओपाङो। होकाम येसुये नोलाई वामालो उजिम्मालं ओयोव।

16 होकाम स्यान्टै याछेव, होसोनो परमेस्वरलो ओमहिमा याडोव होकाम ऐ यावारो, "टोबो बनै घ्योव अगमबक्ता गे गेखार्ल राडेले," होकाम "परमेस्वरये ओल उमीरंलाई छुटैने राडेले।"

17 येसुलो ओबारेला आव रोः स्यान्टै यहुडिया प्रडेस सोनो ओछ्योयाला स्यान्टै छेत्रयालं ओफैलिव।